Совет Норлаты авылының социаль хезмәткәре Венера Әхтәм кызы ХӘБИБУЛЛИНА.
Челно-Вершины районының Совет Норлаты авылында Венера Әхтәм кызы Хәбибуллина — картларга иң кирәкле кеше.
- Мин биредә биш әби-бабайга хезмәт күрсәтәм. Эш сәгатем иртәнге сигездән көндезге дүрткә кадәр дәвам итә. Картларның һәркайсының күңелен күрергә, уртак тел табарга кирәк. Шуларның берсе менә ун елдан артык авырып, урын-җир өстендә ятып тора.
Олы кешеләрнең ихлас күңелдән рәхмәт әйтеп калулары минем өчен зур шатлык, — дип сөйләде үзенең хезмәте турында Венера Хәбибуллина.
Венера ханымның шәхси тормышы да күпләргә үрнәк булырлык. Марат әфәнде белән алар бергәләп ике кыз — Эльвира белән Милананы үстерәләр.
- Әни буларак, кызларымны кече яшьтән эш сөяргә, өлкәннәргә игътибарлы, ярдәмчел булырга өйрәтергә тырышам, — диде ул миңа очрашу вакытында.
Менә шундый игелекле кеше ул — Венера ханым Хәбибуллина.
Нурсинә ХӘКИМОВА.
Просмотров: 1113