2015 ел үз хакимлегенә аяк басуына санаулы көннәр генә калып бара. Ниһаять, карлы бураннары белән сөендергән декабрь аеның шушы дулкынландыргыч соңгы көннәрендә татар җырчылары халыкка бәйрәм кәефе бүләк итте.
Телевидение һәм радиода, интернетта аларның якынлашып килүче Яңа ел белән котлап, бик күп матур җырлары яңгырый башлады. Динар Шәймәрданов, Миләүшә Фазылҗанова, Алмаз һәм Айдар Юнысовлар, Марат Әхмәдиев белән Роксана һәм башка бик күп яшь җырчылар башкаруында күңелле клиплар пәйда булды.
Просмотров: 1183