Красный Яр районы, Угловой бистәсенең сайлау учас­тогында Венера Феткулова тавыш бирә.  

Самара өлкәсендә вәка­ләтле хакимият органнарына 25 елга беренче тапкыр күләмле сайлаулар үткәрелде. 13 сен­тябрьдә өлкә шәһәрләренең район советларына һәм авыл җирлекләренең вәкаләтле органнарына депутатлар сайланды. Иң зур игътибар, әлбәттә, Самара шәһәрендә үткән сайлауларга бирелде.

Шулай итеп, хәзер өлкә үзәге халкы мәнфәгатьләрен район советларына сайланган 284 депутат яклаячак. Аларның бер өлеше бермандатлы округ­лардан, икенчесе — партия исемлекләре буенча сайланды. Якын киләчәктә бу депутатлар үз араларыннан шәһәр Думасына депутатлар сайлап кую һәм район администрацияләре башлыкларын билгеләү белән шөгыльләнәчәкләр.

Сай­ла­ну­чы­лар арасында мил­ләт­тәш­ләребез дә байтак, һәм аларның барысы да “Бер­дәм Россия” тәкъдим иткән ке­ше­ләр. Партия исемлекләре буенча Промышленность районы советына “ЭЛРИ” төзү компаниясе генераль директоры Шамил Хисаметдинов, Киров районы советына — “Волгопродмонтаж” пред­прия­тиесенең генераль ди­ректоры урынбасары Рифкать Ху­җин, Самара районы со­ве­тына — Самараның Тарихи мә­чете мәхәлләсе рәисе Усман Илингин сайланды. Берман­датлы округ буенча Приволжский торак-ремонт идарәсе (ПЖРУ) җитәкчесе Минәхмәт Хә­лиуллов, 75 процент тавыш җыеп, Промышленность районы советына үтте. Без аларны зур җиңү­ләре белән котлап, башлангычларында уңышлар телибез.

Губернатор Николай Мер­куш­кин мондый ысул белән сайланган идарә итү систе­масының файдалы булуына ышана: “Без Россиядә бе­рен­челәрдән булып җирле үзидарә системасын үзгәртеп корырга батырчылык иттек. Нә­тиҗәдә, һичшиксез, хөкү­мәт халыкка якынаячак һәм Россия Президенты Владимир Путин куйган бурычларны үтәргә мөмкинлекләр ачылачак”, — диде ул сайлаулардан соң оч­рашу вакытында.

Быелгы сайлауларда безнең өлкәдә яшәүчеләрнең 43 проценты катнашкан. Россиянең башка регионнары белән чагыштырганда, бу бик яхшы күрсәткеч. Томскида, мәсәлән, сайлаучыларның — 14,75, Ульянда  — 28,56, Түбән Новгородта  28,48 проценты гына сайлауларга килүне кирәк эш дип тапкан.

“Бердәм Россия” партиясенә самаралыларның – 67 проценты, ә тулаем өлкә буенча алганда — халыкның 70 проценты ышаныч белдерә. Бу күрсәткеч буенча Самарадан югарырак Казан белән Ингушетия башкаласы Магас кына торалардыр, мө­гаен. “Бердәм Россия”дән кала өлкәбездә КПРФ — 14,89, “Гадел Россия” — 6,22,  ЛДПР 5,82 процент тавыш җыя алганнар.

“Без шәһәр һәм район дә­рәҗәсендә төрле парламент партияләренең вәкилләре булуын теләгән идек, — дип сөйләде губернатор Николай Меркушкин сайлауларга багышланган сөйләшүдә. — Шулай булып чыкты да. Ә авыл районнарында партия исемлекләре буенча сайланучылар арасында әле башка сәяси оешмаларның вәкилләре дә бар. Бермандатлы сайлау округларында исә күпчелек “Бердәм Россия” партиясе ягында”.

Самара өлкәсенең социаль тикшеренү фонды президенты Владимир Звоновский фикеренчә, бу сайлаулар “Бердәм Россия” партиясенә ышаныч белдерү референдумына әверелгән.  Танылган юрист Александр Паулов та сайлаулар нәтиҗәсенә га­җәпләнми: “Бердәм Россия” партиясе вәкилләренең күп­челеге “Губернатор командасы” лозунгы астында барды бит. Алар алган тавыш халыкның губернаторга баг­лаган ышанычын билгели”.

“Намуслы сайлаулар өчен” иҗ­тимагый комитеты рәисе Виктор Полянский да сай­лау­ларның ачык һәм үтә кү­ренмәле итеп уздырылуына, легитим булуына шик белдерми. “Регион халкы бу сайлау­лардан соң ях­шы якка үзгәреш­ләр булачагына ышана, губернатор сәясәтенә ышаныч белдерә”, — ди ул.

Эльвира РӘФЫЙКОВА.

Әнәс МИНГАЛИЕВ фотосурәте.

 «Бердәмлек».

КОНТЕКСТ:

Выборы в Самарской области признаны состоявшимися (ФОТОГРАФИИ с избирательного участка райцентра Камышла)

* * *

Команда губернатора победила в Кировском районе!

* * *

Анвар Бульхин: «Я пришел на выборы для того, чтобы восстановить частичку первичной власти в стране» (ВИДЕО)

* * *

ВНИМАНИЕ! МОНИТОРИНГ явки избирателей в татарских поселениях!

Просмотров: 1792