26 апрель – Габдулла Тукай туган көн
Хәзер ничек сөйләргә,
Тел белмәгәч нишләргә?
Татарча өйрәнергә
Казангамы китәргә?
Начарга «койты» дибез,
«Пич» диябез миченә.
Менә «вата»га әйләнә,
Белеп булмый һич кенә.
Кәбәм-кәбеш сүзләре
Еш әйтелә — «бик чиста»!
Танау, каста кебекләре -
Больничта яткан чакта.
Вил, Вахитны — Валерий, ди,
Рөстәм, Рәхим — ул Роман,
Гөлияләр, Гөлсинәләр
Мин Галочка, — ди һаман.
Урысча да, татарча да
Ныклап сөйли алмыйбыз.
Мәктәпләрдә әлифбаны
Букварь диеп атыйбыз.
Гаеплеме ата-анам
Туган телдән качканга?
Сабый телен «әни» түгел,
«Мамочка» дип ачканга?
Рәсим ТИМУШЕВ.
Сызран шәһәре.
Просмотров: 1337
Иң беренче әти-әни гаепле!