Ачы сугыш, бу дәһшәтле
сугыш,
Килеп минем туган илемә,
Күпме хәсрәт, күз яшьләре
Китерде ул газиз җиремә.
Күпме ирләр данлы
көрәшләрдә,
Башын салды сугыш кырында.
Барлык эшләр калды
хатын-кызга,
Тормыш йөге, иген кыры да.
Күпме бала калды ятим
булып,
Хатын-кызлар калды тол
булып.
Күпме үсмер дошман илләренә
Мәҗбүр озатылды кол булып.
Җиңү өчен илнең батырлары
Сугыштылар биреп бар
көчен.
Тик күпләре сугыш
кырларында
Ятып калды туган ил өчен.
Күпме югалтулар,
авырлыклар аша,
Килдек бит без шушы
көннәргә.
Дан җырлыйбыз ачы
сугышларда
Җиңеп кайткан батыр
ирләргә.
Чал төшсә дә инде чәчләренә,
Сирәгәйсә дә ветеран
сафлары.
Мәңге яшәр халык күңелендә
Гасырларга калыр даннары.
Гөлсинур ГАФУРОВА.
Яңа Ярмәк авылы,
Камышлы районы.
Просмотров: 1197