1 июнь — Балаларны халыкара яклау көне
Өйләнешкәч, хатынга әйтәм:
«Тик ир бала табарга!
Үзең әгәр булдырмасаң,
Эзләргә бар базарга».
Тора торгач хатын таба
Больницада бер бала.
Үз күзләрем белән күрдем.
Тоттырганнар кыз бала.
Әрләдем мин хатынымны:
«Инде таба белмәдең,
Әллә фельдшеры белмиме
Миңа малай кирәген?»
Ни дә эшләп булмый инде,
Риза булдык бусына.
Әле алда көннәребез
Хатын әйтә: «Борчылма!»
Ел үтмәде минем хатын
Инде тагын булдырган,
Икенчелере дә кызлар -
Бердән ике бертуган.
Әллә шундый мода инде:
Кыз бала заманасы.
Кызлар асрый үз анасын,
Ир бала кайнанасын.
Рәсим ТИМУШЕВ.
Сызран шәһәре.
Просмотров: 1163