Авылым мәтрүшкәләре

2Җәйләрен кайтып авылга
Җыйдым мин мәтрүшкәләр.
Хуш исләре күңелләрне,
Җанымны исертәләр.
Гади генә күк чәчәкләр
Тылсым тулы үзләре.
Кышын чәйләр ясап эчәм,
Синдә авылым исләре.

Күңелләрем тулган чакта
Сине учыма алам.
Башым әйләнә бу истән,
Сагынып битемә куйсам.
Күз алдымда жәен йөргән
Ямь-яшел синең урман.
Мәтрүшкә һәм җиләк җыйган
Искиткеч матур алан.
Онытыламы соң үләндә
Ятып хәл җыйган чаклар.
Җиләс җилле, саф һавасы -
Дәрт өсти миңа алар.
Назлы тибрәнеп мәтрүшкә
Актара хәтер битен.
Иске төшә яшь вакытлар,
Иснәсәм аның исен.
Туган якның үләне дә
Шифа бирә күңелгә.
Әллә инде мәтрүшкәләр
«Кайт!» — диме туган җиргә.

Наилә ХӨСӘЕНОВА.

Самар шәһәре — Ульян өлкәсе, Иске Кулатка районы, Иске Мостяк авылы.

samtatnews.ru

 

Просмотров: 723

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>