Түбән Новгород шәһәрендә узган XVI Федераль Сабан туенда Россиянең 47 төбәгеннән кунаклар җыелды.
Быел илнең төп Сабан туен кабул иткән Түбән Новгород җире ике көнгә татар милли мәдәнияте үзәгенә әверелде дияргә мөмкин. Җомга көнне өлкә дәүләт филармониясендә – Татарстан сәнгать осталары концерты, ә шимбә «Локомотив» стадионында һәм аның янындагы 1 Май исемендәге паркта Сабан туе гөрләде.
50 мең татар яшәгән Нижгар төбәгендәге Кызыл Октябрь, Пилнә, Спас, Сергач һәм башка районнардагы татар авылларында Сабан туйлары гел уздырылып килә, башкаланыкы да һәрвакыт әлеге 1 Май исемендәге паркта оештырыла. Бу юлы исә федераль дәрәҗәдәге бәйрәм программасын әзерләргә Татарстанның Түбән Кама шәһәре ярдәм итте. Эссе җәйге көндә түбәнкамалылар яшеллеккә күмелгән парк эчендә татарларның көнкүреше белән таныштырган йорт һәм каралты-кура корып куйды. Шунда ук концерт сәхнәсе, Сабан туеның баганага менү, капчык белән сугышу, чүлмәк вату һәм башка бик күп күңелле уеннары, төрле ярышлар оештырылды. Бәйрәмгә Түбән Камадан 200 килограммлы баллы чәк-чәк китерелгән иде. Өлкәнең татар районнары да кунакларны милли ризыклардан авыз иттерде.
Паркта Татарстан һәм Түбән Новгород һөнәрчеләренең кул эшләре ярминкәсе эшләде. Татар чигүле түбәтәй-калфаклары, күн һәм киездән тегелгән йомшак чүәкләр, көмеш зәркан бизәнү-ясану әйберләре, сувенирлар, Татарстан китап нәшрияты басма продукциясе, мөселман киемнәре, дини китаплар сатылды, ә Түбән Новгород ягының оста куллары танылган «хохлома» һәм «Городец» прәннекләрен тәкъдим итте.
«Локомотив» стадионында Сабан туен ачу тантанасында күрсәтелгән театральләштерелгән тамаша да «хохлома» бизәкләре белән бизәлде. Бәйрәм сәхнәсеннән Сабан туе кунакларын Татарстан Президенты Рөстәм Миңнеханов, Түбән Новгород өлкәсе губернаторы Валерий Шанцев, Россия Президентының Идел буе федераль округындагы вәкаләтле вәкиле урынбасары Олег Мельниченко, Федераль милләтләр эшләре буенча агентлык җитәкчесе урынбасары Павел Семенов сәламләде.
– Татарлар яшәгән һәр авылда, һәр шәһәрдә, һәр төбәктә, һәр илдә диярлек Сабан туйлары гөрли. Түбән Новгородта да без бу бәйрәмне бик яратабыз, соңгы ун елда икенче тапкыр инде Федераль Сабан туен кабул итәбез. Өлкә бу атнада бәйрәмчә шаулап тора: зур татар концерты булды, Ураза авылында Рәшит Ваһапов һәм Хәйдәр Бигичевка һәйкәлләр ачылды.Тырыш иген игүчеләрнең сабан бәйрәме күп милләтле Идел буе төбәге үсешенә өлеш кертүче татар халкының җыр-биюләре, милли мәдәнияте, традицияләре һәм гореф-гадәтләрен чагылдырып, безне бер-беребезгә якынайта, дуслыкны ныгыта. Бүгенге заманда безгә бигрәк тә бердәмлек кирәк, безне һәрвакыт мәдәният берләштерә, – дип Валерий Шанцев бәйрәм белән тәбрикләде.
Рөстәм Миңнеханов быел Сабан туйлары дөньяның 27 илендә, Россиянең 57 төбәгендә узуын искә алды. «Сабан туе татар халкының теле, мәдәнияте, традицияләре үзенчәлеге белән таныштыра. Федераль бәйрәмне оештыручыларга, аеруча Түбән Новгород өлкәсе җитәкчелегенә рәхмәтебезне белдерәбез. Киләчәктә дә шундый куанычлы вакыйгаларга җыелып очрашырга язсын», – дип теләде Рөстәм Миңнеханов. Татарстан Президенты өлкәнең күренекле татарларына Рәхмәт хатлары тапшырды, ә җирле Татар төбәк милли-мәдәни мохтариятенә «Форд Транзит» микроавтобусын бүләк итте. Аның ачкычын мохтариятнең җитәкчесе Надир Хафизов кабул итеп алды.
Бәйрәм, традиция буенча, Федераль Сабан туеның күчмә символы – «Тулпар-Ат» сынын киләсе елда Россиянең төп Сабан туен үткәрәчәк төбәк вәкилләренә тапшыру тантанасы белән тәмамланды. Түбән Новгород өлкәсе мәдәният министры Сергей Горин, Төбәк татар милли-мәдәни мохтарияте башкарма директоры Рамил Салихҗанов бу уңайдан Әстерхан делегациясен каршы алды: чөнки 2017 елда бөтен Россиядән татарларны җыеп, милли бәйрәмне Әстерхан каласы уздырырга тели. «Үткән ел Рөстәм Миңнеханов Красноярскида булган Федераль Сабан туен иң кәттә Сабан туе дип атаган иде. Безнекен алай димәсә дә, башкалардан ким булмады кебек. Без Нижгар җирендә милләттәшләребез белән күрешергә шат булдык», – дип Рамил Салихҗанов Түбән Новгородка аяк баскан кунакларга исәнлек-саулык, уңышлар теләде.
«Тулпар-Ат» сынын Бөтендөнья татар конгрессы Башкарма комитеты рәисе Ринат Закиров Әстерхан өлкәсенең «Дуслык» татар җәмгыяте рәисе, өлкә Думасы башлыгы урынбасары Әнвәр Алмаевка тапшырды .Әнвәр әфәнде киләсе елда татарларны Әстерханга чакырды.
* * *
В Нижнем Новгороде отпраздновали XVI федеральный Сабантуй. В церемонии открытия праздника приняли участие Президент РТ Рустам Минниханов, заместитель Полномочного представителя Президента РФ в Приволжском федеральном округе Олег Мельниченко, губернатор Нижегородской области Валерий Шанцев.
Праздник на стадионе «Локомотив» открылся прологом, в котором артисты в русских народных костюмах выступили с танцем, олицетворяющим слияние двух рек – Оки и Волги. В ходе вступительной части состоялся пробег ретро-автомобилей.
Артисты в национальных костюмах вышли под звучание татарской мелодии «Су буйлап». С помощью танца были показаны татарские народные игры «Кап-ком», «Чишмяле», а также полевые работы всех сезонов.
Было упомянуто, что в этом году отмечаются юбилеи выдающихся личностей татарского народа – Мусы Джалиля, Габдуллы Тукая, Назиба Жиганова, Сары Садыковой.
В центре майдана были установлены флаги делегаций, прибывших на праздник из различных регионов. Почетных гостей ждала повозка с горкой национального блюда чак-чак.
Олег Мельниченко приветствовал гостей от имени Полномочного представителя Президента РФ в Приволжском федеральном округе Михаила Бабича. Он отметил, что Сабантуй в течение многих веков объединял в одну семью разные народы Поволжья. «Он давно стал для нас межнациональным праздником. Сабантуй всегда олицетворял уважение к труду, бережное отношение к земле и своей культуре. Надеюсь, что сегодняшнее мероприятие послужит укреплению межнационального согласия между народами Поволжья», – сказал Мельниченко в своем приветственном слове.
Валерий Шанцев отметил, что в России народные гулянья часто называют «сабантуем» независимо от национальности участников. «Сабантуй шагает по Российской Федерации», – сказал Шанцев.
Президент Татарстана Рустам Минниханов также тепло поздравил участников праздника. Он подчеркнул, что Сабантуй сегодня близок не только татарам, но и всем народам России, а также за рубежом. Президент сообщил, что Сабантуй в этом году отмечается в 57 регионах России и 27 зарубежных странах. «Сабантуй – место, где мы можем продемонстрировать свой язык, религию, наши способности, традиции и обычаи», – заявил Рустам Минниханов.
Татарстанский лидер поблагодарил губернатора области Валерия Шанцева, а также руководство Нижнекамского муниципального района за организацию праздника.
За вклад в сохранение и развитие татарской культуры и традиций благодарственными письмами от Президента Татарстана были награждены представители Совета национально-культурных автономий Нижегородской области. Председателю региональной национально-культурной автономии татар Надиру Хафизову были вручены ключи от микроавтобуса «Форд Транзит».
Рустам Минниханов во время общения с журналистами отметил, что сегодняшний Сабантуй – прекрасная возможность показать татарский быт, встретиться с друзьями и родными. «Праздник может претерпевать изменения, можно вводить новые виды соревнований, игр, новые элементы, но его содержание неизменно – праздник должен ознаменовать окончание весенних полевых работ», – считает президент.
Он отметил, что в Нижегородской области проживает около 45 тысяч татар. «Вчера был хороший концерт, сегодня мы открыли два памятника. У руководства региона к татарам доброе, хорошее отношение», – сказал он.
Валерий Шанцев подчеркнул, что Сабантуй давно является не просто татарским праздником. «Сегодня смысл Сабантуя вышел за рамки праздника полевых работ. Каждый из нас говорит, что идет на сабантуй, и сразу становится понятным, что мы идем на праздник», – сказал губернатор. Он добавил, что с большим интересом наблюдал за национальной борьбой курэш и отметил, что у них в регионе популярны лишь вольная борьба и самбо.
Просмотров: 1030