Бөтенроссия татар авылларын берләштергән яңа сайт барлыкка килде. Россиядә барысы дүрт меңнән артык татар авылы бар, аларда ике миллионнан артык халык яши.
- Әлеге сайт ярдәмендә без читкә таралган милләттәшләребезне барлаячакбыз, үзара элемтә урнаштырачакбыз. Ул үз эченә бик күп бүлекләрне ала. Мәдәният, мәгариф, эшмәкәрләр, татар авыллары тарихы, дин, яшьләр өчен танышу сәхифәсе – татарлар тормышына кагылышлы бөтен әйберне дә колачлаячакбыз. Бик тиздән ул эшли дә башлар дип уйлыйбыз, — диде Бөтендөнья татар конгрессы башкарма комитеты рәисе урынбасары Марс Тукаев.