Пенсия арта, дип
Шатланалар әбиләр.
Газ да, су да, ут та арта,
Әллә шуны белмиләр?
Куанудан ни файда,
Елар көннәрең алда.
Ашау-эчү белән түгел
Ватылып тора бар да.
Төзәтергә акча кирәк
Ватылса кер машинаң.
Пылесос янып чыкса
Үрмәләп себер идән.
Шифер кирәк, такта кирәк
Йорт-кураны рәтләргә.
Пенсия акчасы бит ул
Тәтеми әле күпләргә.
Ипи белән сөткә җитә
Әбиләрнең акчасы.
Бабайларга күбрәк кирәк,
Тәмәке бар аласы.
Әби-бабай пенсиясенә
Балалар план кора.
Килү белән эләктереп
Базарга чыгып сыза.
Әби елый үкереп,
Бабай тора утырып.
Хәзер болар план төзи:
Ничек болардан котылыйк.
Саимә МОРЗАХАНОВА.
Гали авылы,
Похвистнево районы.
Просмотров: 1272