Өй алдымны ямьләндереп
Үсте сиреньнәребез.
Сиреньнәрдәй татлы иде
Безнең сөюләребез.
Кушымта:
Сиреньнәрем, сиреньнәрем,
Хуш исләр таратыгыз.
Бер-берегезне сөешеп,
Гомергә яратыгыз.
Җилләр исте арабыздан,
Күзләр тиде сөюгә.
Кавыша алмый ике йөрәк
Калды янып-көюгә.
Кушымта:
Сиреньнәрем, сиреньнәрем,
Хуш исләр таратыгыз.
Бер-берегезне сөешеп,
Гомергә яратыгыз.
Ялгыз йөрим шул бакчада,
«Исереп» исләренә.
Сирень өзеп бирүеңне
Төшерәм исләремә.
Кушымта:
Сиреньнәрем, сиреньнәрем,
Хуш исләр таратыгыз.
Бер-берегезне сөешеп,
Гомергә яратыгыз.
Сандугачлар чут-чут сайрый
Сирень ботакларында.
Авыр икән ялгыз яну
Мәхәббәт утларында.
Кушымта:
Сиреньнәрем, сиреньнәрем,
Хуш исләр таратыгыз.
Бер-берегезне сөешеп,
Гомергә яратыгыз.
Гөлсинур ГАФУРОВА-РӘХМӘТУЛЛИНА.
Яңа Ярмәк авылы, Камышлы районы.
Просмотров: 874