Аллаһы Тәгаләне олылап,
Данлап тәкъбир әйтелә.
Галәм тула изгелеккә
Олы бәйрәм хакына.
Гайдел-Корбан бәйрәме,
Мөбарәк ай, Зөлхиҗҗә.
Тәкъбир әйтеп, Корбан чалсаң,
Хаҗ гамале кылына.
Корбан гаетеннән чыкканчы
Рузага ниятлибез.
Хәер-садакалар өләшеп,
Рухларны хөрмәтлибез.
Зиярат кылу саваплы эш
Изге бәйрәм көнендә.
Барлык әрвахлар шатланып,
Тыныч ятар гүрендә.
«Бисмиллаһи, Аллаһу әкбәр»
Әйтеп Корбан чалабыз.
Бәйрәм табыны әзерләп,
Күпме савап алабыз.
Ризалыгыңны өмет итеп
Ахирәтне уйлыйбыз.
Гөнаһларыбыз кичерүне
Бер Аллаһыдан сорыйбыз.
Гөнаһлардан арынабыз,
Әй, иманлы бәндәләр,
Аллаһыга ирешелер,
Кылыйк изге гамәлләр.
Бәйрәмнәр мөбәрәк булсын
Бар мөселман халкына.
Рәхмәт йорты, җәннәтләр
Насыйп булсын һәркемгә.
Саимә МОРЗАХАНОВА.
Гали авылы,
Похвистнево районы.
Просмотров: 1248