Мәчет булган авылда бәхет бар

Мөфти Талип хәзрәт Яруллин мәчәләйлеләрне бәйрәм белән котлый.

Мөфти Талип хәзрәт Яруллин мәчәләйлеләрне бәйрәм белән котлый.

Похвистнево районының Мә­­чәләй авылында Үзәк мә­четнең 30 еллык юбилеен билгеләп үттеләр. Тантанага өлкә мәчетләре имамнары, район җитәкчеләре чакырылган иде, авыл халкы, читтән кайткан кунаклар да җыелды.

Чараны шушы авылда туып-үскән Самара шәһәренең Тарихи мәчете имамы Наил хәзрәт Биктаев Коръән сүрәләре бе­лән башлап җибәрде. Догалар укыганнан соң Үзәк мәчетнең имам-хатыйбы Галиулла хәз­рәт Мамышев авылдашларын һәм килгән кунакларны тан­тана белән тәбрикләп, мә­четне төзүгә һәм аның матур гына эшләп килүенә зур өлеш кер­түчеләргә олы рәхмәтләрен бел­дерде.

Мәчәләйлеләрне зур вакыйга белән котларга өлкә мөселманнарының Региональ Диния нәзарәте рәисе, мөф­ти Талип хәзрәт Яруллин да килгән иде. «Мәчетләребез тулы бул­сын, үзебезгә Аллаһы Тә­галә исәнлек-саулык бирсен”, — дип мөфти изге теләкләрен җиткерде һәм бүген авылның дини тормышында актив катнашучыларга бүләкләр, Рәхмәт хатлары тапшырды.

Похвистнево районы башлыгы Юрий Рябов, авыл җир­леге башлыгы Равил Ураз­мәтов Пох­вист­нево районының күпмилләтле халыклары та­ту, бер-берсен хөрмәт итеп яшәү­ләрен билгеләп, ки­лә­чәктә дә Үзәк мәчетнең эш­чәнлеге рухи-әхлаки һәм мә­дәни кыйммәтләрне, ислам тра­дицияләрен үстерүгә хез­мәт итәчәгенә ышаныч бел­дерделәр.

- Районыбызда җирле ха­ки­мият, төрле милләт халык­лары һәм дин әһелләре арасында диалог җайга салынган. Бу Пох­­вистнево җирендә дуста­нә мөнә­сәбәтләр урнаштырырга яр­дәм итә, — диде район башлыгы.

Сүз мәхәллә рәисе Шамил Мамышевка да бирелде. Ул кунакларны Мәчәләй авы­лының тарихы белән таныштырып үтте, соңгы елларда булган уңай үзгәрешләр турында сөйләде. “Дүрт мәчет имамнары, иҗтимагый совет булдырып, зиратларны чис­­тарту, коймаларын, кап­каларын төзекләндерү эш­лә­­рен контрольдә тоталар. “Восток” оешмасы рәисе Ри­нат Искәндәров кышкы көн­нәрдә юлларны чистартып, мәчетебезгә матди ярдәм күрсәтеп тора. Мөфти Талип хәзрәт Яруллинның, Самарада яшәүче авылдашларыбыз Фәхретдин Канюкаев һәм Шамил Семыкинның яр­дәмнәрен тоеп яшибез”, — дип Шамил әфәнде аларга авыл халкы исеменнән рәхмәт әйтте. Бу сүзләргә каршы Фәхретдин Бәдретдин улы туган авылына ярдәм итәргә һәрвакыт әзер булуын белдереп, мәчетнең юбилее белән авылдашларын котлады.

Мөфти Талип хәзрәт Яруллин мәчәләйлеләрне бәйрәм белән котлый.

Мөфти Талип хәзрәт Яруллин мәчәләйлеләрне бәйрәм белән котлый.

Чарага күрше авыллардан һәм районнардан да кунаклар килгән иде. Камышлы, Кләүле, Исаклы районнары мөхтәсибе, Иске Ярмәк авылы имамы Габдулла хәзрәт Мөхәммәткәрим чыгышы халыкның күңеленә хуш килде. “Аллаһы Тәгалә йорты булган авылда бәхет бар. Монда яше, карты, бае, ярлысы юк, бары да бертигез. Һәр мөселманның да хаҗга барырга мөмкинлеге булмас­ка мөмкин. Андыйларның ислам кануннары буенча яшәве, мәчеткә йөрүе хаҗга тиң була”, — диде ул.

Мәчәләй авылында туып-үскән, дини гыйлем алып, бүген өлкәбез мәчетләрендә имамлык итүче хәзрәтләр Наил Курмаев, Наил Сөләйманов һәм Наил Биктаев та: “Авылда иман нуры саклансын, мәчеткә сукмак суынмасын, азан авазы яңгырап торсын, иншаллаһ!” — дип беренче мөгәллимнәре Әнәс ага Гайсинга рәхмәтләрен җиткерделәр.

Похвистнево районының Крас­ные Ключи авылы чир­кәве атакае Георгий Анош­кин мәчәләйлеләр бе­лән бар мәсьә­ләләрне дә киңәшеп, хәл итүләрен әйтеп үтте. “Бер-беребезне дини бәй­рәмнәр белән котлап, матди ярдәм күрсәтешеп, бик дус яшибез. Киләчәктә дә шулай булсын иде”, — диде ул.

Юбилей тантанасының рәс­­ми өлешеннән соң мөсел­ман­нар бергәләшеп намаз укыдылар, ә аннан кунаклар “Восток” оешмасының банкет залына юл тоттылар. Мул итеп әзерләнгән өстәлләр артында изге догалар укылды, вә­газьләр сөйләнде. Тантананы оештыруда күп көч куйган дин әһелләренә, иганәчеләргә, аш-су әзерләүчеләргә һәркем рәхмәт сүзләре юллады.

Шамил МАМЫШЕВ.

Мәчәләй авылы,

Похвистнево районы.

«Бердәмлек».

Просмотров: 485

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>