Кәүсәр Маннанова оныгы Камилә белән.

2017 ел Экология елы дип игълан ителгән иде. Безнең Пох­вистнево районында бу темага ел буе төрле чаралар үткәрелеп торды. Шуларның соңгысы — Подбельcки авы­лында “Желаю тебе, Земля моя родная” исеме астында узган фестиваль. Чарага районның өлкән яшьтәге кешеләре, ад­министрация вә­килләре ча­кырылган иде.

Район башлыгы Юрий Рябов халыкны кайнар сәламләп, бәйрәм белән котлады, рә­хәтләнеп ял итәргә чакырды. Урман хуҗалыгы министры Александр Ларионов өлкәбездә табигатьне саклау буенча үт­кәрелгән чаралар белән таныштырды, бу юнәлештә Пох­вистнево районының да актив эшчәнлек алып баруын белдереп, җитәкчеләргә, халыкка рәхмәтләрен җиткерде. Аеруча актив якташларыбызны Александр Иванович Губерна Думасының Рәхмәт хатлары белән бүләкләде. Алар арасында мин дә бар идем. Әлбәттә, сәхнәгә буш кул белән чыкмадым, урман хуҗалыгы министрына үзем пешергән бавырсакларымны тапшырдым.

Һәр бүләкләү җыр-бию бе­лән үрелеп барды. Район үзешчәннәре табигать те­ма­сына музыкаль чыгышлар әзерләп килгәннәр иде. Рус, татар, чуваш телләрендә яңгыраган җырлар, дәртле биюләр бәйрәмне тагын да бизәп, ямь өстәп җибәрде. Галиле  Кәүсәр Маннанова да 5 яшьлек оныгы Камилә белән Габдулла Тукайның “Күбәләк” шигырен сәхнәләштереп, тама­шачыларның алкышларына лаек булдылар. Юрий Рябов һәркемнең чыгышын югары бәяләп, Мактау кагәзьләре, бү­­ләкләр тапшыра барды.

Чарада “Безнең йорт” бәй­гесенә дә нәтиҗә ясалды. Җиңүчеләрне район вәкилләре җыелышы рәисе Владимир Ромаданов бүләкләгәндә экраннан райондагы иң матур йортларның фотосурәтләре күрсәтелеп торды. Коймалары матур рәсемнәр белән бизәлгәне — авылдашыбыз Нәфисә Талипованыкы. Ә Мидхәт һәм Гөлфия Низа­метдиновларның йорты яздан көзгә кадәр шау чәчәктә утыра. Нинди генә гөлләр үстерми алар! Ике ятим бала тәрбияләүче бу авылдашларыбыз турында фестивальдә күп җылы сүзләр яңгырады. Залда утырган галилеләр алар өчен горурлык хисе кичереп, чын күңелдән куанып утырдылар.

Похвистнево районының баш­ка авылларыннан да “Иң шәп йорт” номинациясендә җиңү яулаучылар шактый күп иде. Бу көнне Большой Толкайдан — Наталия Качаргина, Ахрат авылыннан — Лариса Васильева, Подбельскидан Надежда Колесникова, Тюгаевлар гаиләсе һәм башкалар бүләкләргә ия булдылар. Районның 14 авыл җирлеге арасыннан Красный Ключ, Урта Аверкино, Зур Толкай һәм Савруха экологик яктан чиста авыллар дип аталды. Аларның җитәкчеләренә Юрий Рябов рәхмәт әйтте һәм: “Башкалар да сездән үрнәк алсын иде”, — дип Мактау кагәзьләре тапшырды.

Кәүсәр Маннанова оныгы Камилә белән.

Фестиваль кысаларында көз­ге уңыш күргәзмәсе дә оеш­ты­рылган иде. Осталар яшел­чәләрдән ниләр генә яса­ма­ганнар! Монда кыргый җән­лек­ләр дә, йорт хайваннары да бар. Яфраклардан иҗат ител­гән көзге сурәтләр күз явын алып тора. Бу гүзәллеккә карап, үзебезне әкият дөньясында йөргәндәй хис иттек. Табигатьне, яшеллек дөньясын ихлас ярат­кан кеше генә җирдә шундый могҗиза тудыра ала торгандыр.

Оештыручыларга, безне фес­тивальгә чакырган авы­лы­быз­ның социаль яр­дәм күрсәтү бү­леге җитәк­чесе Фә­һимә Зариповага рәхмәт­ләребезне бел­дереп, чарадан канәгать булып кайттык.

Саимә МОРЗАХАНОВА.

Гали авылы,

Похвистнево районы.

«Бердәмлек».

КОНТЕКСТ:

В Похвистневском районе проживают жизнерадостные люди с активной гражданской позицией / Көмеш чор осталары бүләкләнде

Просмотров: 1133