Татарстан мөфтие Шәгъбан ае башлану уңаеннан халыкка мөрәҗәгать итте. Шәгъбан ае Рамазан аеның якынлашуын хәбәр итә.
Татарстан мөселманнары Диния нәзарәте матбугат хезмәте Татарстан мөфтие Камил хәзрәт Сәмигуллин мөрәҗәгатен чыгарды:
Бисмилләһир-рахмәнир-рахим.
Әссәламүгаләйкүм вә рахмәтуллаһи вә бәрәкәтүһү!
Хөрмәтле мөселман кардәшләребез!
Бүген мөбарәк Шәгъбан ае керә, ул безгә Аллаһының рәхмәте булган Рамазан аеның якынлашуын хәбәр итә. Шәгъбанда Аллаһыга якынаерга мөмкинлек бирелә, Аның рәхмәт ишекләре киңрәк ачыла, гөнаһлар ярлыкана, ә гыйбадәт кылу һәм изге гамәлләр өчен тагын да күбрәк савап бирелә. Аллаһы Илчесе салләллаһу галәйһи вә сәлләм хәдисләрендә әйтелгән: “Шәгъбан аеның калган башка айлардан өстенлеге – минем башка пәйгамбәрләрдән артыклыгым кебек үк”.
Шәгъбан аеның өстенлеге – мөбарәк Бәраәт кичәсе. Ышанычлы хәдисләрдә әлеге төндә, көнче, сихерче, исерткеч эчемлекләр кулланучы, туганлык җепләрен өзүче, әти-әниләренең сүзләренә колак салмаучы, зина кылучы, тәкәббер һәм фетнә чыгаручылардан кала, барлык мөселманнарның гөнаһлары гафу ителүе турында әйтелә.
Шәгъбан аенда ураза тоту кабул ителгән – Аллаһы Тәгалә моның өчен савап яза. Раббыбыз әлеге айның беренче һәм соңгы пәнҗешәмбесендә ураза тоткан кешене Җәннәткә кертер дип санала. Ышанычлы хәдистә Пәйгамбәр Мөхәммәд салләллаһу галәйһи вә сәлләм Шәгъбан аеның күпчелек көннәрендә ураза тотканлыгы хәбәр ителә. Ураза тоту мәҗбүри булмаса да, әлеге гамәл безне Рамазан аена рухи һәм физик яктан әзерли.
Хөрмәтле дин кардәшләребез! Исегездә тотыгыз, бу айда эшләнә торган изге гамәлләрнең әҗере күпкә арта һәм күкләргә бернинди тоткарлыксыз күтәрелә. Шуңа күрә сезне күркәм эшләр, гыйбадәтләр һәм тәүбә догалары кылырга чакырам. Аллаһы Тәгалә әҗер-савапларын биреп, Аның рәхмәтенә һәм ярлыкавына ирешергә язса иде!
* * *
Наступил Шаабан – священный месяц, который является предвестником Рамазана. Муфтий Татарстана Камиль Самигуллин обратился к мусульманам в связи с наступлением месяца Шаабан, сообщает пресс-служба Духовного управления мусульман РТ.
«Это время, когда раб становится еще ближе к своему творцу, двери его милости открываются еще шире, грехи прощаются, а поклонение и благое обретает еще большую награду», – говорится в обращении главы ДУМ РТ.
Достоинством месяца Шаабан является благословенная ночь Бараат. В хадисах говорится, что в эту ночь прощаются грехи всех мусульман, за исключением завистников, колдунов, употребляющих алкоголь, прервавших связи с родственниками, ослушивающихся своих родителей, прелюбодеев, гордецов и провоцирующих смуту.
Так же в месяц Шаабан принято поститься. Пост в почитаемом месяце не является обязательным, но готовит мусульман духовно и физически к посту в Рамазан.
«Дорогие единоверцы! Помните, что все благие деяния, совершаемые в этом месяце, увеличиваются многократно и принимаются безо всяких препятствий. Поэтому призываю вас к совершению милосердных поступков, поклонению и покаянию. И пусть Всевышний поможет нам обрести за это награды, а также заслужить его милость и прощение!» – отметил Камиль Самигуллин.
Просмотров: 1037