Продюсер Миләүшә Айтуганова ике хатынлылык темасына фильм төшерергә җыена

0114Гаяз Исхакыйның «Остазбикә» әсәре мотивлары буенча фильм төшерә башлау өчен Казанда кастинг үткәрелә. Бу хакта «Татаркино» оешмасы җитәкчесе, кинопродюсер Миләүшә Айтуганова хәбәр итә. «Татаркино» Айсылу һәм Сәет рольләрен башкару өчен артистлар сайлаячак.

Сценарий авторы һәм режиссер – Чаллы егете Ренат Кәримов. Фильм «Татаркино» бюджетыннан төшерелә.

Гаяз Исхакыйның «Остазбикә» повесте 1910 елда иҗат ителә һәм 1914–1915 елларда басылып чыга. Исхакый Сәгыйдә образында татар хатын-кызының иң күркәм сыйфатларын туплап биргән. Тыныч холыклы, сабыр, киң күңелле, хезмәт сөючән, олы җанлы, нык рухлы бу хатын тиз арада яхшы остазбикә булып таныла. Повестьның эчтәлеге буенча Вахид мулла белән унике ел яшәгән Сәгыйдә, бала булмау сәбәпле, үз теләге белән үзенә көндәш, иренә икенче яшь хатын алдыра. Әсәрдә кыз сорау, туйга әзерләнү, никахлашу мәҗлесе, ислам диненә караган традицион йолалар күрсәтелгән.

Фильмда вакыйга бүгенге көннәрдә бара. Геройларның исемнәре — Айсылу һәм Сәет.

 «Татар-информ».

Просмотров: 522

Один комментарий

  1. Миләүшәне бер генә ир туйдыра алмаганга ошаган . ))) Ә ирләргә бер хатын белән бер баланыда тоту бик җиңел түгеллеген аңламый ахры.

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>