Батырга бүләккә — чиккән сөлге

12Похвистнево рай­оны­­ның Яңа Мансур авы­лында милли бәй­рәмебез күркәм узды.

Бәйрәмнең тантаналы өле­­шен авыл җирлеге башлыгы Ирек Газиев ачып, яңа­ман­сурлыларны, кайткан кунакларны милли бәйрәм белән котлады, аны оештыруда ярдәм күрсәтүчеләргә рәхмәт белдерде. Чараның мөхтәрәм кунагы – район башлыгы урынбасары Виталий Ятманкин да чыгыш ясап, котлау сүз­лә­рен җиткерде. Авыл тормышында актив катнашучылар губернаторның һәм район администрациясенең Рәхмәт хатлары белән бүләкләнде. Яңа Мансур авылының фермер хуҗалыклары җитәкчеләре дә үзләренең алдынгы эшчеләрен бүләкләр белән билгеләп үт­теләр.

Бәйрәм төрле күңел ачулар белән дәвам итте. Гадәти милли уеннардан башка, биредә үзенчәлекле бәйгеләр дә оештырылган иде. Мәсәлән, “Җәйге чаңгылар”да узышу бу көнне бик популяр булып, анда балалар да, өлкәннәр дә катнашты. Гер күтәрү бәйгесендә дә ир-егетләр генә түгел, бабайлар да, хәтта хатын-кызлар да көч сынашты. Шулай да бе­ренчеләр рәтендә егетләр булып, Илшат Сәгыйров җиңүгә иреште.

Сабан туе көрәшсез, ә кө­рәш батырсыз булмый диләр. Яңа Мансур авылы да үз батырлары белән горурлана ала. Шуларның берсе — Илдар Фәт­тахов Сабан туеның абсолют батыры исеменә лаек булды да инде. Сарыктан тыш, ул кыйммәтле бүләк һәм чиккән сөлге дә алды.

- Бәйрәмне үт­кәрергә фермерлар да, авыл халкы да, ике мәхәллә әгъ­залары да ярдәм итте. Артистларны да, күп авыллардагыча, Татарстаннан чакыртмадык. “Халык бәйрәме булгач, халык бәйрәме булсын”, дидек тә, Сабан туе концертын үзебезнең авыл үзешчәннәреннән оештырттык. Бәйрәмебез моннан от­ты гына бугай, кунаклар да, җирле халык та канәгать калды, - дип кичерешләре белән уртаклашты авыл җирлеге башлыгы Ирек Газиев.

12027 037 036 033 032 031 030Яңа Мансур авылында атлар үрчетмәсәләр дә, оештыручылар аларны башка авыллардан чакыртып, ат чабышлары оештырганнар иде.

Сабан туе шулай җыр-бию, уен-көлке белән кичкә кадәр дәвам итте.

Шул ук көннәрдә Камышлы районының Татар Байтуганы, Яңа Усман авылларында, Похвистнево районының Мәчәләй авылында да милли бәйрәмебез гөрләп үтте.

Алисә СӘЛИМОВА әзерләде.

«Бердәмлек».


КОНТЕКСТ:

Матур хатирәләр калдырып узды Яңа Мансур Сабантуе (ФОТОРЕПОРТАЖ)

Просмотров: 649

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>