7 июльдә Елховка районында урнашкан 68 йортлы Губанкүл авылында шаулап-гөрләп милли бәйрәмебез – Сабан туе үтте. Бәйрәмнең суперкунагы исә татар эстрадасының танылган йолдызы Фирдүс Тямаев булды.
Биредә беренче тапкыр Сабан туе бәйрәме 1927нче елны узган булган икән. Үткән елны, 90 елдан соң, икенчесен үткәргән булсалар, быел өченчесе узды инде. Ике ел рәттән чараларның төп оештыручысы җирле клуб мөдире Севастьянова Татьяна Владимировна булды. Иганәчеләргә килгәндә, Елховка районында яшәүче татар халкы бу бәйрәмгә үзе спонсорлык иткән.
Авыл кечкенә булса да, бәйрәмне биредә бик олылап үткәрделәр. Бу җыен авылның олысын да, кечесен дә жыйды. Күрше авыллардан, районнардан да бик күп кенә халык килгән иде.
Сайтта Губанкүл авылында узган бәйрәм турында тәфсилле мәкалә дә урын алыр. Әлегә шушы фоторепортажны тәкъдим итәбез:
Әнәс МИНГАЛИЕВ.
Автор фотосурәтләре.
Губанкүл авылы, Елховка районы.
Просмотров: 1622