Олыгаям диеп һич уфтанмыйм,
Бу чорның да була үз яме.
Бар төсләр дә ачыла төшә,
Җимешләрнең була үз тәме.
Сайлап кына киям күлмәкләрне -
Иң матурын, ачык төслесен.
Кадерле ана, сөекле әби булып
Рәхәтләнеп әле яшимен.
Намаз укыйм, теләкләр телим,
Ял итәмен, гүя оҗмакта.
Яшьлекләрне искә ала-ала
Дусларымда йөрим кунакта.
Олыгаям диеп һич уфтанмыйм,
Күңелем ачык, явызлык кылмадым.
Үкенергә һичбер сәбәбе юк -
Кадерен белеп яшим дөньяның.
Фәния КӘРИМОВА.
Иске Ярмәк авылы, Камышлы районы.
2018 ел.
Просмотров: 964