Иртәгә, 7 апрельдә, 16 сәгатьтә иң шәп номерлардан торган гала-концерт узачак. Рәхим итегез!
Самарның “Заря” мәдәният сараенда I Халыкара “Мирас” татар мәдәнияте фестивале башланды. Чараның ачу тантанасында мәртәбәле жюри әгъзалары катнашып, Татарстанның халык шагыйре Роберт Миңнуллин, жюри рәисе — Россия Федерациясе һәм Татарстанның халык артисты, Казан дәүләт мәдәният һәм сәнгать университеты профессоры Венера Ганиева бәйгечеләргә уңышлар теләделәр. Өлкә “Туган тел” татар җәмгыяте президенты Ильяс Шәкүров бу фестивальнең (элек ул “Татар балалары җырлый” дип атала иде һәм күбесенчә шәһәр милли-мәдәни автономиясе ярдәмендә уздырылып килде) 23 еллык тарихы булуын белдерде. “Соңгы елларда ул “Мирас” исеме астында уздырылып килә, ә быел Халыкара дәрәҗәсенә дә ия булды. Өлкә милли-мәдәни татар автономиясе, өлкә “Туган тел” татар җәмгыяте һәм Самара региональ “Дуслык” иҗади иҗтимагый оешмасы ярдәмендә уздырылган чара быел өлкә “Туган тел” татар җәмгыятенең 30 еллыгына багышлана”, — дип сөйләде Ильяс Гомәр улы һәм фестивальнең уңышлы узуына шиге булмавын белдерде.
Һәм ул ялгышмады. Бәйгенең беренче көне шаулап-гөрләп узды! Анда Самар, Камышлы районы авылларыннан яшь талантлар катнашып, “Вокал”, “Музыка коралы”, “Бию”, “Нәфис укылыш” номинацияләрендә сәләтләрен күрсәттеләр.
I Халыкара “Мирас” татар мәдәнияте фестивале иртәгә, 7 апрельдә, дә дәвам итәчәк. Анда Татарстан, Башкортостан һәм Чувашстан Республикаларыннан, Пенза, Ульян, Оренбург өлкәләреннән, Краснодар төбәгеннән, шулай ук Төркмәнстаннан, Казахстаннан һәм Кытайдан килгән яшь талантлар чыгыш ясаячаклар. Ә 16 сәгатьтә иң шәп номерлардан торган гала-концерт узачак.
- Бүгенге чара бик матур узды дип әйтсәң, берни дә әйтмәгән кебек булыр иде. Искиткеч сәләтле яшьләр, берсеннән-берсе күркәм музыкаль номерлар! Ә “Нәфис укылыш” номинациясендә чыгыш ясаучыларны ишетсәгез икән сез! Балалар сугыш, туган як, ана теленә багышланган шигырьләрне йөрәккә үтеп керерлек итеп укыйлар.
Иртәгәге бәйгене аеруча дулкынланып көтәм, чөнки анда башка төбәкләрдән, чит илләрдән килгән яшь талантлар катнашачак. Алар безгә нинди музыкаль күчтәнәчләр алып килерләр икән? Аларда сәләтле балалар белән ничек эш алып баралар? Миңа болар барысы да кызыклы, — дип кичерешләре белән уртаклашты чараны алып баручыларның берсе Илмира Мәҗитова.
Оештыручылар да фестивальнең гала-концерты искиткеч матур булачак, дип вәгъдә итәләр. Хөрмәтле милләттәшләребез! Бу чарага сезне дә чакырабыз!
Алия АРСЛАНОВА.
Автор фотосурәтләре.
Самар шәһәре.
КОНТЕКСТ:
ПРОГРАММА I Международного детско-юношеского и взрослого фестиваля-конкурса татарской культуры «Мирас» (СПИСОК ОЧЕРЕДНОСТИ ВЫСТУПЛЕНИЙ)
* * *
“Мирас” фестиваленә әзерлек эшләре тулы көчкә бара
* * *
Фархад Сабирзанович Махмутов и Искандар Зиннурович Саитов стали гостями прямого эфира р/с «Эхо Москвы» в Самаре (АУДИОЗАПИСЬ)
* * *
Сәетовлар «Манзара» тапшыруында кунакта булдылар (ВИДЕО)
* * *
ВИДЕО: Бөтендөнья татар конгрессы студиясендә кунакта Самара өлкәсеннән милләттәшләребез Искәндәр Сәетов һәм аның кызы Әлмирә
* * *
Министр культуры РТ Ирада Аюпова: «Желаю всем участникам фестиваля «Мирас» вдохновения и новых творческих открытий»
* * *
«Мирас» фестивалендә самарлыларны да күрәсе килә…
* * *
Приглашаем принять участие в I Международном детско-юношеском и взрослом фестивале-конкурсе татарской культуры «Мирас» (СКАЧАТЬ ПОЛОЖЕНИЕ)
Просмотров: 1652