6 декабрьдә Камышлы авылы гомумбелем бирү мәктәбендә татар теле һәм әдәбияты буенча өлкә олимпиадасы узды. Анда Шенталы, Похвистнево, Камышлы районнарының һәм Самарның “Яктылык” татар теле укытылган мәктәпләре укучылары катнашты. Шул ук көнне татар теле һәм әдәбияты укытучылары арасында “Ел укытучысы” бәйгесе дә оештырылган иде. Чара өлкә “Туган тел” татар җәмгыяте, төбәгебезнең мәгариф хезмәткәрләренең квалификациясен күтәрү институты һәм мәктәп администрациясе тарафыннан оештырылган иде.
Олимпиаданы мәгариф хезмәткәрләренең квалификациясен күтәрү институтының поликультур белем бирү кафедрасы методисты Алсу Хаметова рәсми рәвештә ачып җибәргәннән соң, чарада катнашучыларны Камышлы авылы гомумбелем бирү мәктәбе директоры Айсылу Каюмова сәламләде. Өлкә “Туган тел” татар җәмгыяте президенты Ильяс Шәкүров, оешма Советы әгъзасы Фәһим Йосыпов олимпиаданың ана телен саклап калу, үстерү максатыннан уздырылуын ассызыклап үттеләр.
Ниһаять, олимпиада башланды. 8 — 11нче сыйныф укучылары язма эш язарга утырдылар, ә сәнгатьле итеп шигырь уку бәйгесендә катнашучылар тантана залында җыелып, жюри әгъзалары каршында чыгыш ясый башладылар.
…Бәйгедә җиңүчеләрне бүләкләү чараның иң татлы өлеше булгандыр, мөгаен. “Ел укытучысы” конкурсында 3нче сыйныфта “Спорт уеннары” темасына ачык дәрес үткәргән Самарның “Яктылык” татар мәктәбе укытучысы Рәмзия Лазюк беренче урынга лаек булды. Камышлы районы Яңа Усман авылы мәктәбенең Иске Усман авылы филиалы укытучысы Гөлия Нуретдинова (3нче сыйныфта “Кыш” темасы) икенче урынны яулады.
Язма эшләр бәйгесендә урыннар түбәндәгечә билгеләнде (33 укучы катнашты):
8нче сыйныф укучылары арасында
III урын Азалия Галимуллина (Иске Ярмәк авылы мәктәбе),
Ләйсән Кәримова (Гали авылы мәктәбе)
II урын Айназ Низаметдинова (Яңа Усман авылы мәктәбе)
Iурын Диләрә Идиятуллина (Денис авылы мәктәбе)
9нчы сыйныф укучылары арасында
III урын Руфина Нуретдинова ( Камышлы авылы мәктәбе)
II урын Айрат Сәлимов (Гали авылы мәктәбе),
Альбина Садриева (Яңа Усман авылы мәктәбе)
I урын Алия Биксалиева (Самарның “Яктылык” мәктәбе)
10нчы сыйныф укучылары арасында
III урын Айдар Фәләхов (Денис авылы мәктәбе)
II урын Исламия Гарипова (Самарның “Яктылык” мәктәбе)
I урын Эльвина Насыйрова (Камышлы авылы мәктәбе)
11нче сыйныф укучылары арасында
III урын Рәмис Минһаҗев (Иске Ярмәк авылы мәктәбе)
II урын Юлия Әхмәдуллина (Камышлы авылы мәктәбе) ,
Айтурган Осмонова (“Яктылык”)
I урын Аделя Мингатинова (Камышлы авылы мәктәбе)
Бу укучылар Казанда үтәчәк татар теле һәм әдәбиятыннан төбәкара олимпиадага юллама да алдылар.
Сәнгатьле итеп шигырь уку бәйгесендә җиңүчеләр (43 укучы катнашты):
1-4 сыйныфлар
III урын Раиль Халимов (Камышлы авылы мәктәбе),
Азалия Гимаева (Гали авылы мәктәбе),
II урын Ильнур Хәйруллин (Гали авылы мәктәбе)
I урын Нияз Мингазов (Камышлы авылы мәктәбе)
5 — 8 сыйныфлар
III урын Диләрә Идиятуллина (Денис авылы мәктәбе)
II урын София Шәрәфетдинова ( Иске Ярмәк авылы мәктәбе)
I урын Альмира Сәлахова (Иске Ярмәк авылы мәктәбе)
9 — 11 сыйныфлар
III урын Исламия Гарипова (“Яктылык” мәктәбе)
Алмаз Галиев (Камышлы авылы мәктәбе)
II урын Айгөл Исмәгыйлова (Самарның “Яктылык” татар мәктәбе)
Рамил Мостакаев (Камышлы авылы)
I урын Алия Биксалиева (Самарның “Яктылык” татар мәктәбе)
Олимпиадада катнашучыларның барысына да иганәчеләр — өлкә “Туган тел” татар җәмгыяте президенты Ильяс Шәкүров, җәмгыять Советы әгъзасы Фәһим Йосыпов, тарихчы Шамил Галимов тарафыннан әзерләнгән бүләкләр тапшырылды.
“Бердәмлек” газетасының киләсе санында татар теле һәм әдәбияты буенча өлкә олимпиадасы турында тәфсилле мәкалә бастырылачак.
Алия АРСЛАНОВА.
Самар шәһәре.
Просмотров: 1479