Дустыбызның туган көне: “Бердәмлек” газетасына — 30 яшь!

berdemlek2Хөрмәтле “Бердәмлек” хезмәткәрләре!

Сезне чын күңелебездән газетабызның юбилее белән котлыйбыз, эшегездә яңадан-яңа уңышлар телибез.

Дөрес, 30 ел эчендә төрле вакыйгалар булгандыр, тик шулай да “Бердәмлек”нең яратып укый торган укучысы, тугры дуслары бар. Без һәрвакыт бергә булдык. Балаларыбызга милли тәрбия бирүдә, халкыбызның гореф-гадәтләрен саклап, буыннан-буынга тапшыруда, туган телебезне саклауда газетабызның роле шактый зур. Киләчәктә бик күп еллар бергәләшеп, халкыбызга, телебезгә хезмәт итәргә насыйп булсын!

Иң якты теләкләр белән “Яктылык” мәктәбе директоры һәм укытучылары.

Тупли авылының Таш мәчете имамы Наил Гәйнетдин улы ГЫЙМАТДИНОВка!

871627260930836224Хөрмәтле Наил хәзрәт!

Сезне ихлас күңелдән туган көнегез белән тәбриклим!

Сез озак еллар Тупли авылы мәктәбендә укытучы булып та эшләдегез, безгә физика дәресләрен укыттыгыз. Хәләл җефетегез  Зөлфирә апа алгебра һәм геометрия фәннәренең әһәмиятен төшендерде, безнең сыйныфны җитәкләде. Бүгенге көндә Сез, Наил хәзрәтебез, динебез юлыннан тайпылмыйча, авылдашларыбызга ярдәмчел булып яшисез. Дин кардәшләребезгә, милләттәшләребезгә армый-талмый хезмәтегезне багышлыйсыз. 

Авырмый, кайгы-хәсрәт күрми, озын һәм хөрмәтле Зөлфирә апабыз белән тигез гомер итәргә, якыннарыгызның игелеген күреп яшәргә язсын Ходай. Аллаһы Тәгалә җан тынычлыгы, чиксез шатлыклар насыйп итсен үзегезгә.

И.Г.Шәкүров, 

өлкә “Туган тел” татар җәмгыяте президенты.