Өебезнең үзәге син, әти

Сабитовы1Гаилә корып, үз тормышың белән яши башлагач кы­на әти-әнинең кай­гыртучанлыгын, без­нең өчен янып-көеп яшәүләрен чын-чынлап бәяли баш­лыйсың икән. Мин дә, бишенче дистәне ваклаган ике бала атасы, мөмкинлек булган саен гаиләм белән авылга, туган нигезгә ашкынам.  Чөнки анда безне ике газиз кешем көтә.

Әтием Минсәхи һәм әнием Галия Сабитовлар Камышлы районының Яна Ярмәк авы­лында яшиләр. Аларның бергә гомер итүләренә дә 40 елдан артык инде. Әнием гомере буе башлангыч сыйныф укытучысы булып эшләде. Ул бар җиргә дә өлгерә: мәктәптә кайный, кол­хоз басуында суган-чөгендер утый, авыл тормышында актив катнаша иде.

Ә әтием, әле өлкән сый­ныфларда укыганда ук, кызу урып-җыю вакытында ком­байнчы ярдәмчесе булып эшли башлый. Бөтен күңеле белән җирне, авыл тормышын яраткан егет мәктәпне тәмамлаганнан соң  бәхет эзләп чит җирләргә чыгып китми, колхозда кала. Ул механизатор да, машина йөртүче дә булып эшләде. Ә Бузулук аграр тех­никумын тәмамлаганнан соң агроном вазифаларын баш­карды. Чәчү, урып-җыю вакытында әтине өйдә күрмәдек дисәм дә, дөрес булыр. Ул иртә таңнан чыгып китә, төнлә генә кай­тып керә иде. Шулай да аңардан бер кайчан да: “Арыдым”, — дигән сүз ишеткәнебез бул­мады, ул хезмәтен­­нән, тир түгеп эшлә­вен­нән чын ләззәт алып яшәде.

Әти белән әни безгә – өч ба­лага гомер бүләк итте­ләр. Сеңелем Ләйлә белән мин бүген Самарада, үз гаиләләребез бе­лән яшибез. Ә менә Алиябез бик яшьли, фаҗигале рәвештә  бакыйлыкка күчте. Бу кайгыны әти-әниебез бик авыр кичерделәр, шулай да бер-берсенә терәк булып, алга таба яшәргә  көч таптылар.

Зур өебез бушап калгач, әти-әнигә икәү генә күңелсездер дип, тормыш иптәшем Свет­ла­на, балаларым Рөстәм һәм Аде­лина белән авылга  еш кайтырга тырышабыз.  Ә шушы көннәр­дә туган нигездә җыелырга зур сәбәп бар — яраткан әтиебезгә һәм бабабызга 65 яшь тула.

Кадерлебез! Безнең өчен син — иң яхшы әти, якын дус һәм киңәшче, ә балаларыбызга — ягымлы дәү әти. Өебез һәр­вакыт ямьле, ризыклы бул­сын, балаларыгызның, онык­лары­гыз­ның игелеген кү­реп, әни бе­лән бер-берегезгә куа­ныч, терәк, ыша­нычлы яр булып озак гомер итегез.

Барлык туганнары исе­мен­нән Илсур САБИТОВ гаиләсе белән.

«Бердәмлек»

Просмотров: 656

2 комментариев

  1. Без дэ сезгэ шундый матур доньяда исэн сау гына озак еллар яшэргэ насып итсен дип телэклэребезне белдерэбез!

Добавить комментарий для Айслу Гибадуллина Отменить ответ

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>