Уйларым…

Хәзер инде ялгыз калгач,
Уйлар килә башыма:
Тагын нәрсә язылгандыр
Киләчәк язмышыма?..

Дару сатып алып була,
Исәнлекне булмый шул.
Бер җирем дә авыртмасын,
Эшләсеннәр аяк-кул.

Яшьлегемә кайтыр идем,
Әгәр картлык җибәрсә.
«Хәзер анда балаларың,
Учырт узды», — димәсә.

Күзләрем кайчак чыланды
Күңелгә авыр булганда.
Вакытлыча туры килә
Чарасыздан еларга.

Әти-әни белән яшәп,
Соңгы юлга озаттым
Горурланам шуның белән:
Аларны ташламадым.

Узганнарга кайтып булмый,
Юллары ябык инде.
Булганына бик канәгать,
Бәхетне миңа бирде.

Алты хатын алмаштырдым,
Һәрберсенә -  зур рәхмәт!
Бөтенесе яхшы булды,
Күрсәттеләр күп рәхәт.

Балаларым, оныкларым -
Бөтенесе исән-сау.
Туганнарым-дусларыма
Кирәкми бернинди дау.

Бер Ходаем көч-куәт бир
Авырлыклар җиңәргә.
Тормыш йөген тартыр өчен
Үз-үзеңне җигәргә.

Рөстәм НУРТДИНОВ.

Татар Әбдекие авылы, Шенталы районы.

Просмотров: 1217