Иман нуры тарата

Камышлы, Кләүле һәм Исаклы районнары мөхтәсибе, Иске Ярмәк авылы имамы Габдулла хәзрәт Мөхәммәткәримгә – 45 яшь, ә ел башында мөхтәсиб булуына 25 ел тула!

Үз мәхәлләсе өчен җан атып йөргән бу олы йөрәкле, ихлас күңелле имамыбызның эш­лә­гән эшләре, кылган изге гамәл­ләре бихисап. 25 ел дәвер­дә ул авылдашларының ышаны­чын яуларга, абруй казанырга өлгерде. Шулай булмый мөм­кин дә түгел, чөнки Габдулла хәз­рәт авылны бер мәхәллә итеп тату яшәтүгә, рухи тәрбия би­рүгә күп көч куя. Татар миллә­тенә күрсәткән олы хезмәтләре өчен ул “Бөтендөнья татар кон­грессы” иҗтимагый берләшәмәлә­ре­нең халыкара Берлеге медале белән бүләкләнде.

Габдулла хәзрәт Мөхәм­мәткәрим үсеп килүче буынны тәрбияләүгә дә зур игътибар бирә. Дин сабаклары алган ба­лалар Самарада һәм Казанда уздырылып килүче дини бәй­геләрдә катнашалар, еш кына призлы урыннар яулыйлар. Ә хәзрәт тарафыннан уздырылып килүче балалар Сабан ту­енда алар татар халкының гореф-гадәтләре, милли мәдә­нияте, җыр-моңнары белән танышалар. Үзенең дүрт ба­ласын да тормыш иптәше бе­лән шәфкатьле һәм тәүфыйклы итеп тәрбиялиләр.

Габдулла хәзрәт – киң­кырлы шәхес. Ул Иске Ярмәк авы­лының тарихы белән кы­зыксына һәм анда яшәүче кеше­ләрнең шәҗәрәләрен төзү белән шөгыльләнә, Мәдәният йорты каршындагы һәвәскәр театрда да уйный. Авыл зи­ратын, борынгы каберлек­ләр­не, чишмәләрне тәртиптә тоту кебек изге эш­ләр дә аның инициативасы бе­лән оештырыла…

Без шундый тынгысыз има­мыбыз булуына сөенеп яши­без. Хөрмәтле Габдулла хәзрәт! Сезне 45 яшьлек юбилеегыз белән ихлас күңелдән кот­лап, изге теләкләребезне юл­лыйбыз — озын гомер, бәхет-шатлыклар, җан тынычлыгы, ныклы сәламәтлек телибез. Кайгы-хәсрәтләргә бирешмичә, һаман шулай көчле рухлы һәм ярдәмчел, изге күңелле булып калыгыз.

Иске Ярмәк мәхәлләсе аксакаллары активы.
Камышлы районы.

* * *
Хөрмәтле Габдулла хәзрәт Мөхәммәткәрим!

Сез игелекле өлкәдә хезмәт итү юлын сайлагансыз һәм халкыбызның динен, милли үзаңын үстерү юнәлешендә зур эшчәнлек алып барасыз. “Бердәмлек” газетасы уку­чылары сезне дин һәм әхлак те­маларына язылган эчтәлекле мәкаләләр авторы буларак та беләләр. Четерекле сораулар килеп чыкканда, катлаулы мәсьә­ләләрне дә гади генә итеп аңлатып бирәсез, һәрдаим безгә ярдәм итеп торасыз.

Хөрмәтле Габдулла хәз­рәт! Гаять әһәмиятле һәм изге эшчәнлегегездә уңыш­лар телибез. Алга таба да хал­кыбызга үгет-нәсыйхәт би­реп, туры юлга өндәп яшәргә насыйп булсын.

“Бердәмлек” газетасы хезмәткәрләре.

Просмотров: 1180