Бу шигыремне туганыбыз Рафаэль Ильясовка, аның тормыш иптәше Светланага һәм улы Алмазга багышлыйм. 81 яшенә кадәр татар халкының күңелен моңлы җырлары белән шатландырып торган туганыбыз Рафаэль Ильясов 2020 елның 9 декабрендә вафат булган иде. Менә аңардан башка өч ай яшибез инде. Иҗаты өчен мең рәхмәт, мәңгелек дан! Урыны оҗмахта булып, моңлы тавышы анда да сайрап торсын иде. Амин!
Дөньяга бит биргән сине
Ходай,
Сандугачтай булып
сайрарга,
Синең моңлы тавышың
Җиргә түгел,
Бәлкем ишетелгәндер Айга
да.
Кабереңдә дә моң
югалмасын,
Оҗмахларда сайра дусларга.
Авазыңны ишетеп, кушылып
сайрасыннар
Каберең өсләрендә кошлар
да.
Бер Ходаем, мең рәхмәтләр
сиңа!
Җырлар өчен моңын
биргәнсең.
Җырлар аша барлык
яхшылыкны
Үз халкыңа илт син,
дигәнсең.
Кеше гомере гөлләрнеке
түгел,
Яшәрми шул язлар җитсә дә.
Йөрәк әрни, сыкрап елый
күңел,
Мәңгелеккә дуслар киткәндә.
Сок буйлары бигрәк матур
була
Шомырт чәчәк аткан
таңнарда,
Светлана, нык бул,
ялгызмын димә,
Бәхетсезмен, димә, дөньяда.
Җиңеп кайгыларны,
бергәләшеп шулай,
Аралашып яшик һаман да.
Тарсынма дөньяны,
моңсуланма алай,
Алмаз улың бар бит яныңда.
Көзге җилләр ишеттерә
сыман
Сөйгәнеңнең йомшак
тавышын.
Йөрәккә эз сала, чәчкә бәс
кундыра
Гүрдә ятканнарның сагышы…
Бездән башка дөнья һич
үзгәрмәс,
Сагыш кына басар йөзләрне.
Никтер күздән тамчы тама
һаман,
Һич туктатып булмый
яшьләрне.
Вакыт-вакыт шулай була
хәзер,
Телевизорны барып ачканда,
Синең җырларыңны өзелеп
тыңлыйм,
Йөрәкләрне сагыш
басканда…
Тәлгать ВАҺАҖЕВ.
Иске Ярмәк авылы, Камышлы районы.
Просмотров: 973