Ник очрадың минем
юлларымда,
“Бир кулыңны миңа” димәгәч?
Ник елмайдың миңа шул
вакытта,
“Яратам” дип йөгереп
килмәгәч?
Ник очрадың минем
юлларымда,
Сынауларга риза булмагач?
Язмыш сынауларына
бөгелмичә,
“Яратам бит сине” димәгәч.
Ник биергә чыктың минем
белән
Авыл клубында шул төндә?
“Яратам” дип әйтә алмадың
бит
Миннән башка бүтән
беркемгә.
Хыянәт — ул кичерелми
торган нәрсә,
Бер мин генә түгел аның
корбаны.
Бәлки хата белән кылган
хыянәтем -
Гөнаһларның кичерелә
торганы?
Кичер, зинһар, хыянәтем
өчен,
Сагышларым белән күптән
түләдем.
Мәхәббәткә мәңге тугры
калыр идем,
Үтәлә калса әгәр шушы
теләгем.
Ап-ак башым куям синең
тезләреңә,
Кичер, бәгърем, мине гафу
ит,
Язмышымны бирәм хөкемеңә,
Теләсәң эт ит, ә теләсәң -
кеше…
Син кичердең минем
хыянәтне
Бары тик телдән генә,
Йөрәгеңдә калды тирән яра,
Беләм. Гаеп миндә генә.
Чык син кабат минем
юлларыма,
Киләм, бәгърем, каршы
алырга.
Сүз бирәмен, соңгы
көнебезгә кадәр
Мәхәббәтебезгә тугры
калырга.
Ник очрадың минем
юлларымда,
Кояш кебек балкып
чыкмагач?
Олыгайган чакта
кара-каршы утырып,
Чәй эчәргә кешең булмагач?
Яшә, бәгърем, яшә
уфтанмыйча,
Бәхетле бул, мин күз
тидермәм.
Синең тормышыңны бозып
кына,
Беркайчан да бәхетле
булалмам.
Өметләнгән идем бергә
яшәп,
Сине бәхетле итәргә.
Картайдык шул, хәзер кала
инде
Соңгы көнебезне көтәргә.
Булмады шул бу дөньяда сине
Бәхет юрганына төрергә.
Аллаһы Тәгалә насыйп
итсен иде
Сине җәннәтләрдә күрергә.
Гомәр ГАЙНУЛЛИН.
Шламка авылы, Челно-Вершины районы.
Просмотров: 532