Сөеклебез! Без сине ихлас күңелебездән туган көнең белән тәбрик итәбез.

Язгы бөреләр тулып яфрак ярган, кояш җылысы җиһанны юаткан, күңелдә дәрт уяткан мизгелдә дөньяга килгәнсең. Күңелләр моң-наз белән тулган бер мәл бит ул — яз.  Язмыш сиңа бары тик игелекле, изгелекле язлар гына бүләк итсен, бәхетең мул, саф, саими булсын. Тигезлектә, мул тормышта, рәхәттә, сөеп һәм сөелеп, бәхеткә күме­леп яшә. Исәнлек-саулык, кояштай озын гомер, җан ты­нычлыгы телибез.  Күңел күгеңдә кара болытлар йөрмәсен, өеңә бәла-каза кермәсен. Кылган изге­лекләреңнең әҗерен кү­рергә насыйп булсын. Без сине ихлас күңелебездән ихтирам итәбез һәм яратабыз.

Иң изге теләкләр белән әтиең, ирең, кызың, абыйларың гаиләләре белән, Самар, Мәскәү, Ульян, Казан шәһәрләрендә яшәүче барча туганнарың.

* * *

Уважаемая Равиля Гумеровна!

Примите искренние поздравления по случаю дня Вашего рождения! Позвольте выразить наше восхищение и уважение Вам, как отзывчивому человеку, полному энергии и работоспособности.

Искренне желаем Вам  доброго здоровья, семейного благополучия и оптимизма. Пусть сбудутся Ваши сокровенные желания и устремления, сохранится все хорошее, что есть в Вашей жизни и приумножатся мгновения радости и оптимизма.

Сотрудники «Кулинарии на Революционной» (ЗАО «Эмма и К»).

*

Равилә ханым КЫЯМОВА турында:

Дарим радость людям

Хөрмәтле Фәрхәт әфәнде!

Сезне чын күңелдән туган көнегез белән тәбриклим һәм иң изге теләкләремне юллыйм.

Сез – чын милләтпарвәр, танылган җәмәгать эшлеклесе, татар милләте, мәдәнияты өчен янып яшәүче шәхес. Үзегезне аямыйча әйләнә-тирәдәгеләр өчен тырышасыз, дин, милләт, халкыбыз, дип янып яшисез. Шуңа да Сезгә зур рәхмәтләребезне җиткерәбез.

Ныклы тазалык, гаилә сәгадәте, озын гомер, балаларыгызның бәхетен күреп, шуңа сөенеп, мул тормышта яшәвегезне телим!

И.Г.Шәкүров, 

өлкә “Туган тел” татар җәмгыяте президенты.

Хөрмәтле Ильяс әфәнде!

Сезне ихлас күңелдән туган көнегез белән тәбриклим.

Сез — булдыклы ир-егет, халкыбызның милләтпәрвәр улы. Татар халкының милли үзаңын уяту, биниһая бай мәдәниятен, гаҗәеп данлы тарихын, искиткеч гүзәл һәм аһәңле телен саклап калып, киләсе буыннарга тапшыру өлкәсендәге хезмәтегез иң зур ихтирамга һәм рәхмәткә лаек! 

Бөек халкыбызга хезмәт итү юлында Сезгә ихлас күңелдән сәламәтле озын гомер, иминлек, шәхси тормышыгызда һәм гаять җаваплы хезмәтегездә илһам һәм уңышлы казанышлар телим.

Самар шәһәр округы Думасы депутаты, Россия Эчке эшләр министрлыгының Самар өлкәсе буенча баш идарәсе каршындагы Иҗтимагый совет президиумы әгъзасы Рифкать Туктар улы ХУҖИН.

Хөрмәтле Ильяс әфәнде!

Сезне ихлас күңелдән туган көнегез белән тәбриклибез! Аллаһы Тәгалә Сезгә корычтай нык исәнлек-саулык, гаилә сәгадәте, ак бәхетләр, гыйбадәтле гомер насыйп итсен иде. Хәерле хезмәт, күпкырлы эшчәнлегездә уңышлар юлдаш булсын. 

Без Сезне кайнар йөрәкле милләтпәрвар буларак беләбез. Самар өлкәсе татарлары алдында күрсәткән хезмәтләрегезне югары бәялибез. Зур бүләгебез — хөрмәтебез.

Өлкә һәм шәһәр татар милли-мәдәни мохтариятләре әгъзалары.

Кадерле тормыш иптәшем, әтиебез!  Сине туган көнең белән ихлас күңелдән котлап, иң изге теләкләребезне юллыйбыз. Озын тигез гомер, гаилә бәхете-шатлыклары, тән сихәте телибез. Аллаһы Тәгалә җан тынычлыгы, чиксез шатлыклар насыйп итсен.

Иң матур теләкләр белән хәләл җефетең, кызларың Гөлнур, Гөлназ гаиләләре белән.

Сөекле, кадерле, яраткан әтием! Сине туган көнең белән кайнар котлыйм, озын гомер, нык сәламәтлек, күңел тынычлыгы, кайгы-хәсрәтсез көннәр телим.

Матур таңнар атсын синең өчен,
Тормыш дәртең бер дә сүнмәсен,
Һәр яңа көн сиңа нык исәнлек 
Һәм гомерлек сәламәтлек өстәсен.

Котлы булсын синең туган көнең. Саулык булса, җирдә бар да була.

Изге теләкләр белән кызың Наилә.

Газиз милләттәшләр, кадерле дуслар!

Барчагызны да якынлашып килүче Яңа 2019нчы ел белән чын күңелдән котлыйм! Әлеге олысы-кечесе яраткан бәйрәм уңаеннан иң изге теләкләрне кабул итегез. Без 2018 елны аның шатлыклары, тормышыбызда булган уңышлары вә куанычлары белән искә алабыз. Шул ук вакытта, без узып баручы елда тормышка ашырылмаган эшләребез һәм хыялларыбыз барлыгын да онытмыйбыз.

Узган елдагы вакыйгалар арасында, әлбәттә, милләттәшләребезне сөендергәннәре дә, көендергәннәре дә булгандыр. Иң мөһиме — без үз язмышыбыз өчен җаваплы була алдык һәм төрле сынауларны сабырлык hәм түземлек белән лаеклы уздык. Читать полностью →

Хөрмәтле милләттәшләр!

Сезне Самар  өлкә «Туган тел» татар  җәмгыяте, өлкә татар эшкуарларына ярдәм итү ассоциациясе һәм шәхсән үз исемемнән якынлашып килүче Яңа 2019 ел белән чын күңелдән тәбриклим.

Барлык борчуларыбыз үтеп баручы 2018 елда калсын, алда безне бары тик шатлыклы вакыйгалар көтсен иде, дигән теләктә калыйк. Читать полностью →

Хөрмәтле  сайт укучыларыбыз!

Яңа 2019нчы елга аяк басарга да күп калмады. Тиздән мәңге тынгы белмәс сәгать телләре, бар җиһанга өр-яңа ел килүен хәбәр итеп, 12 не сугачак!

Киләсе ел бар кешегә бәхет алып килсен, гаиләләргә, дөньяларга тынычлык, иминлек китерсен, борчу-хәсрәтләр күрергә язмасын. Барыгызга да саулык-сәламәтлек, эшегездә, тормышыгызда зур уңышлар, яңа яуган кардай ак бәхетләр, шатлык-куанычлар теләп калабыз. Якынлашып килүче Яңа ел белән, милләттәшләр! Яңа бәхетләр белән!

“Самар татарлары” мәгълүмат медиа-порталы администрациясе.

Читать полностью →