Эш сәгатебез җидедә башланса да, иртәрәк килергә сөйләштек. Ыгы-зыгы башланганчы иркенләп отчетларны теркәргә, эш кәгазьләрен тәртипкә салырга иде исәп. Ә бер ир бездән уңганрак булып чыкты. Таң беленер-беленмәс килеп, директор бүлмәсендә гауга куптарып маташа иде.
- Сез карак, бур, алдакчы! Әнидән барып гафу үтенмәсәгез, судка хәтле барып җитәм! Белегез, болай гына калдырмыйм, гәҗиткә язып чыгам! — дип җикеренгәне урамга хәтле ишетелә. Читать полностью
Яңа Ярмәк авылы мәчетенә йөрүчеләр (артта уңнан беренче Ринат Нуриев, өченче – Рәис Вәлиәхмәтов).
Бүген өлкәбездә мәчете булмаган татар авыллары бик аздыр, мөгаен. Камышлы районының Яңа Ярмәк уртасындагы гыйбадәтханә дә авыл яме булып балкып тора.
Әби-бабайлар: “Мәчет 1914 елда төзелгән”, — дип әйтәләр. Ә менә Самара тарихчысы Шамил Галимов: «Башкортостан Республикасының Үзәк Дәүләт тарих архивыннан алган белешмәгә караганда, Яңа Ярмәк гыйбадәтханәсенең барлыкка килүе 1885 елга карый. 1893 елгы мәгълүматлар буенча мәчеткә 408 ир-ат һәм 407 хатын-кыз гыйбадәт кылырга йөргән», — ди. Читать полностью
Руслан ХИСМӘТОВ гаиләсе белән.
Самараның алтынчы шәһәр поликлиникасында беренче категорияле хирург булып эшләүче Руслан Рөстәм улы ХИСМӘТОВка карап, аны дүрт бала әтисе дип уйламассың да. Чандыр гәүдәле, ачык йөзле Руслан белән Камышлыда, ул әти-әнисенең хәлен белергә кайткач танышкан идем. Табиблар династиясеннән булган бу егет үзе дә күпбалалы гаиләдә туып үскән бит. Читать полностью
15 ноябрь — Призывниклар көне
Яшь, көчле егетләр китә,
Илебезне сакларга.
Ил-ватанны, Җир ананы
Дошманнардан якларга. Читать полностью
10 ноября 2016 года в Доме дружбы народов состоялась презентация волонтёрской программы Чемпионата мира по футболу FIFAТМ 2018 в Самаре для национальных общественных объединений. На мероприятие также пришло около 150 студентов и старшеклассников, заинтересованных в волонтёрской работе на этом значимом спортивном событии.
Айсылу Ибраева — Яңа Усман авылы мәктәбенең татар теле укытучысы.
Камышлы районы ата-аналары ник татар телен укытуга каршы?
Туган җирең Идел буе,
Һәр телнең бар Туган иле.
Туган җирең кебек назлы,
Җырдай моңлы татар теле.
Наҗар Нәҗми.
Үткән уку елы ахырында Камышлы районында ана телен укыту буенча конференция үткәрелгән иде. Анда Камышлы районында гына түгел, өлкәнең башка татар авылларында да туган телләргә игътибар бирелмәү, сәгатьләр җитешмәү, ата-аналар каршылыгы һәм балаларның татар телен кирәксенмәве турында сүз күп булды.
Анда Камышлы районында ана теле дәрес буларак тик Иске Ярмәк мәктәбендә генә укытылуы, башкаларында, шул исәптән “Әлифба” китабын төзүче Сәләй ага Вәгыйзовның туган авылы Байтуганда да тик факультатив рәвештә генә керүе турында да сөйләделәр. Читать полностью
Илсөя Бәдретдиновага Асия апа Шәймарданова бүләк тапшыра.
Самараның Киров исемендәге Мәдәният сараенда “Мишәрләрем” дип аталган зур концерт булып узды. Кызганыч ки, аның турында “гөрләп үтте” дип әйтүе кыен.
Оештыручылар, үзләрен мишәр татарлары дип санаган иң популяр җырчыларны җыеп, искиткеч тамаша вәгъдә иткәнгәме, концертка тамашачылар шактый күп җыелган иде. Менә алып баручылар Айгөл Нәҗипова һәм Илназ Миңнеханов самаралыларны кайнар сәламләдәләр һәм сәхнәгә җырчы Азат Әбитовны чакырдылар. Үзе белән «Шыгырдан мишәре» дип таныштырган яшь җырчы халык күңелендә урын алып өлгергән “Синнән башка”, “Кем кемне гафу итәр” җырларын башкарганда тамашачыга аның моңлы тавышы белән ләззәтләнергә насыйп булмады. Әллә фонограмма шундый сыйфатсыз иде, әллә техника сынатты — тамашачылар колакларын томаларга мәҗбүр булдылар. Музыка аларның аңына ниндидер сызгырулар аша гына барып җитә иде. Читать полностью
Мидхәт ӘМИНОВ (сулдан уңга), гармунчы Ринат ВӘЛИЕВнең улы Ибраһим һәм Рөстәмнең бертуган энесе Ринат.
Казанга Рөстәм Вәлиевнең 55 еллык юбилее тантанасына Самарадан бертуган энесе Ринат Вәлиев, аның тормыш иптәше Халидә ханым, “Идел” халык эстрада ансамбле җитәкчесе, гармунчы Мидхәт Әминов чакырылганнар иде. Аннан кайткач без Мидхәт Әминов белән очрашып, тәэсирләре белән уртаклашуын соралдык. Читать полностью
Мәйдан аша Бөек Ватан сугышы чорының хәрби киемнәренә киенгән расчетлар үтте.
7 ноябрьдә Самарада алтынчы тапкыр Хәтер Парады узды. Быел ул 1941 елда үткән тарихи парадның 75 еллыгына һәм Самарага “Хезмәт һәм хәрби данлы шәһәр” исеме бирелүгә багышланган иде. Читать полностью
Минзилә Фоат кызы РӘФЫЙКОВА.
10 ноябрь – Эчке эшләр хезмәткәрләре көне
“Төрле һөнәрләр бар, теләгәнеңне сайлап ал”, дип язган Владимир Маяковский “Кем быть?” шигырендә. Әйе, җәмгыятьтә һәркемнең үз урыны, аңа гына ошый һәм ул гына булдыра ала торган эше бар. Кемдер барыбыздан да яхшырак итеп балаларга белем-тәрбия бирә, кемдер сәламәтлегебез сагында тора, кемдер иген үстерә, икмәк пешерә, сата, кемдер җир үзәгеннән кара алтын суырып ала. Ә барыбызның да тыныч тормышы сагында полиция хезмәткәрләре тора.
Бүген, полиция хезмәткәрләре көнендә, хөрмәтле укучыларыбызны үз эшен, үз урынын тапкан юстиция капитаны Минзилә Фоат кызы РӘФЫЙКОВА белән таныштырабыз. Читать полностью
8 ноябрь – Халыкара КВН көне
1961 елда беренче тапкыр зәңгәр экраннарга чыккан “Шаяннар һәм тапкырлар клубы” (КВН) уены бүген дә популяр. Аны балалар да, өлкәннәр дә яратып карый. Мәктәпләрдә, югары уку йортларында шаяннар һәм тапкырлар үз командаларын булдыралар, төрле бәйгеләрдә катнашалар. Самараның “Яктылык” татар мәктәбендә дә берничә ел элек “Алга” командасы барлыкка килгән. Ул үзен шәһәр Шаяннар һәм тапкырлар клубының яшүсмерләр лигасында гына түгел, Татарстан Республикасында үткән уеннарда да танытып өлгергән инде. 9-11 сыйныф укучыларыннан торган команда әгъзалары физика укытучысы Рәшит Камил улы Саттаров “канаты астында” эшлиләр. Без команданың төп составы – 11 сыйныф укучылары Гөлнара Галимова, Азат Куртяков һәм Лиана Курмакаева белән очрашып, “Яктылык” шаяннарының һәм тапкырларының тормышлары белән кызыксындык. Читать полностью
Гали авылы мәдрәсәсе.
15 ел элек, Похвистнево районының Гали авылында мәдрәсә ачылгач, авылның бөтен баласы да шунда йөреп дин гыйлемен ала иде. Ә бүген анда укырга берничә бала гына йөри.
Җир шары — бөтен кешелек дөньясының уртак йорты. Ә без анда кунак кына. Аллаһы Тәгалә безгә җиргә ни өчен килүебезне аңлату өчен төрле сынаулар бирә, ә без шуларны күрмәмешкә салышып, һаман дөнья куабыз. Читать полностью
Әфидә апа Сафиуллина-Каюмова — минем укытучым. Быел февральдә аңа 90 яшь тулды. Инде шактый олы яшьтә булса да, ул һаман яшь чакларындагыча безгә, яраткан “Бердәмлек” татар газетасына үзенең яшьлек хатирәләре, истәлекләре турында язып тора, шигырьләрен дә җибәрә.
Менә хәзер дә үзенең бер шигырен “Бердәмлек” укучыларына тәкъдим иткән. Ул “Намаз” дип атала. Сез дә укыгыз, Әфидә апабызның бу тирән эчтәлекле фәлсәфәле шигъри юлларыннан гыйбрәтләр алыгыз. Читать полностью