“Самар — күпмилләтле гаилә” дип аталган конкурс-фестивальдә Мәхмүтовлар гаиләсе үзенең дүрт буынын тәкъдим итте.
Өлкәбезнең Красный Яр районында бик матур табигатьле Ялтай бистәсе урнашкан. Биредә искиткеч ягымлы пар Сабирҗан Хафиз улы һәм Миңлегөл Хәсәнҗан кызы Мәхмүтовлар яши. Алар турында инде мин күптән ишетеп белә идем. Алты ел элек Литвинов исемен йөрткән Мәдәният йортында уздырылган “Самар — күпмилләтле гаилә” дип аталган конкурс-фестивальдә Мәхмүтовлар гаиләсе үзенең дүрт буынын тәкъдим иткән иде. Чарада булучыларны әлеге гаиләнең чыгышы таң калдырган булган, аны гаилә башлыгы, Ялтай бистәсе мәчетенең имамы Сабирҗан ага Коръән сүрәләре белән башлап җибәргән һәм бу мизгелдә тамаша залында тынлык урнашкан.
Мин үзем дә Сабирҗан ага һәм Миңлегөл апа Мәхмүтовларны күреп сөйләшкәч, аларның, чыннан да, ачык йөзле, зыялы һәм аралашучан булуларына инандым һәм үземнең тәэсирләрем турында язмый кала алмадым.
Бүгенге заман хатын-кызы нинди булырга тиеш, дип сорасалар, мин Камышлы районындагы Камышлы авылында яшәүче Җәмилә Мөхтәбәр кызы Мингалимова төсле була, дип җавап бирер идем. Ул, бер карыйсың, атыла торган вулкан төсле, икенче тапкыр күргәндә, җәйге акланда талгын җилдә тибрәнеп үсеп утыручы матур гөл-чәчкә…
Яратып башкарган эшендә кеше зур уңышларга ирешергә мөмкин. Милләттәшебез Хәмзә Юныс углы Салькин шундый кешеләр исемлегенә керә.
«Нам ведь никто не запрещает изучать свой родной язык, надо использовать все существующие возможности. Кстати, мне кажется, что самарские татары в этом преуспели», — М.Ш.ШАЙМИЕВ.
Һәр чараның, кечкенә генә булса да, тарих башы була. Ул чараның максаты була. Еллар узгач, артка борылып карагач, аңа йомгаклау күзеннән карыйсың. Нәрсә бирде бу чара? Нәтиҗәсе бармы? «Туган тел» исемле Самар өлкә татар җәмгыятенә 25 ел булса, «Татар балалары җырлый» фестиваленә 18 ел. Сорау тууы бар. Нигә даталар туры килми? 
Самарның 2 санлы икмәк заводы күренеклеләр исемлегендә. Аны милләттәшебез Муса углы Али Сөләйманов җитәкли. Унҗиде яшеннән эшкуарлык белән шөгыльләнә башлаган Али тора-бара тормышта зур казанышларга ирешеп, дәрәҗәле кешегә, уңышлы эшбатырга әйләнә.
Оялчан гына бу хатын белән без очраклы рәвештә таныштык. Ул Камышлы районының Балыклы авылында яшәүче әнисе Нәсимә Низамованың туган көненә котлау алып килгән иде. Гадәти хәл бит инде. Кемнәр генә «Бердәмлек» редакциясенә бу йомыш белән килми? Шулай да нәрсәсе беләндер күңелемә ятты ул. Мин сораша башладым: кая эшли, кем, нәрсә? Ул миңа “клининг компаниясендә” дип җавап кайтарды. Әлбәттә, клинингның нәрсә икәнен төшенергә тырышып тагын сорашырга туры килде һәм без шуннан танышып киттек.