Без, «Ак калфак»ның Кошки районы Иске Җүрәй авылы бүлекчәсе әгъзалары, өлкә татар хатын-кызларының «Ак калфак» оешмасы җитәкчесе Разия Азимҗан кызы ӘЮПОВАГА бик зур рәхмәтләребезне белдерәбез.
Әлһәмдү лилләһ, безгә тапшырган китапларыгызның барсын да эләштек. Бик мавыгып, кызыксынып укыйбыз. Китабыгыз шундый йөрәккә ятышлы итеп язган.
Разия апабыз, Сез безне яңадан-яңа эшләргә рухландырып торасыз, динебезне, телебезне, гореф-гадәтләребезне саклауда һәм үстерүдә зур эшләр башкарасыз. Сезнең тырышлыгыгызга, уңганлыгыгызга күрә оешмабызның эшләре дә уңышлы!
«Ак калфак» Бөтендөнья татар хатын-кызлары иҗтимагый оешмасы рәисе Кадрия Рәис кызы Идрисовага да бик зур рәхмәтләребезне белдерәсебез килә. Разия ханым безгә Кадрия Рәисовна проекты буенча чыккан «Тәрбия баскычлары» дискаларын тапшырды. Хәзерге заманада инде бу бик кирәкле нәрсә, дип уйлыйм. Чөнки бу фильмнарны карагач, уйланып каласың: «Әгәр кешенең максаты булса, ул аны күңел түренә куйса, шунда гына бу кеше бөтен булган теләкләренә ирешә ала!»
Рәфисә МИННИБАЕВА, «Ак калфак»ның Кошки районы Иске Җүрәй авылы бүлекчәсе җитәкчесе.
Просмотров: 760