Хөрмәтле Рифкать әфәнде! 

Сезне - танылган җәмәгать эшлеклесен, халкыбыз өчен янып-көеп яшәүче милләтпарвәрне, меценатны - туган көнегез уңаеннан чын күңелдән тәбрик итәм!

Шулай ук Сезгә гаилә бәхете, күңел тынычлыгы, кәеф күтә­рен­келеге һәм хезмәтегездә зур уңышлар телим. Тормышыгыз хезмәт шатлыгы, якын­нарыгызның һәм туганнарыгызның мәхәббәте белән сугарылып торсын. Сезнең бөтен башлангычларыгызга һәм матур уй-планна­ры­гызга гел уңыш кына юлдаш булсын. 

И.Г.Шәкүров, 
өлкә “Туган тел” татар җәмгыяте президенты,
Самар өлкә татар эшкуарларына ярдәм итү ассоциациясенең рәисе.

Хөрмәтле Галиулла әфәнде!

Сезне ихлас күңелдән олы юбилеегыз белән тәбрик итәм. 

Сезгә ныклы сәламәтлек, ак бәхетләр, хәерле гыйбадәтле гомер,  тормышыгызда һәм эшегездә яңадан-яңа уңышлар телим. Алга таба да шушы хөрмәт белән озак еллар яшәгез, һәр көн Сезгә шатлык-куанычлар гына китерсен! Киләчәктә дә шундый җитез, дәртле, актив булып калыгыз.

И.Г.Шәкүров, 

өлкә “Туган тел” татар җәмгыяте  президенты.

Хөрмәтле Исмәгыйль әфәнде!

Сезне юбилеегыз белән котлап, иң изге, якты, матур теләкләребезне юллыйбыз.  Гомер юлыгыз якты кояш кебек булсын, һәрбер көнегез куаныч, яшәү яме, дөнья иминлеге белән тулып торсын. Максатларыгызның тормышка ашуын теләп калабыз.

И.Г.Шәкүров, 

өлкә “Туган тел” татар җәмгыяте президенты,

Самар өлкә татар эшкуарларына ярдәм итү ассоциациясенең рәисе.