Бәйрәм кайтавазы

Быел Самараның Киров мәйданындагы Мәдәният са­раенда үткән Сөмбелә бәй­рәмендә бер төр­кем мил­ләттәшләребезне, өлкә­безнең авыл хуҗалыгы алдынгыларын — Елховка районының “Игенче” җәмгыя­тенең баш агрономы Юныс Кәнәфиевне, Похвистнево районының хезмәт ветераны Нурсалих Кәримовны, 35 ел буе Шенталы районының төрле җәмгыять оешмаларында һәм предприятиеләрендә хезмәт иткән Әсгать Ханнановны, Камышлы районының “Байком-Сервис” җәмгыяте директоры Мәсгут Ибәтовны, “Макаров В.В.” крестьян-фермер хуҗалыгы хисапчысы Әлфия Вәлиеваны, озак еллар Кошки районының Тупли авылында (хәзер ул Елховка районына керә) колхоз рәисе булып эшләгән, соңрак район авыл хуҗалыгы идарәсе белән җитәкчелек иткән Мәсгут Кыямовны хөрмәтләделәр. Бәй­рәмдә аларга өлкәнең авыл хуҗалыгы министры урынбасары Роман Некрасов Мактау грамоталары тапшырды, ә Самара шәһәренең татар милли-мәдәни автономиясе рәисе Рифкать Хуҗин кыйммәтле бүләкләр белән бүләкләде. Тамашачылар бу алдынгы хезмәткәрләрне көчле алкышларга күмделәр.

24 сентябрьдә дөнья күргән “Бердәмлек”нең 39нчы санында “Аларның хезмәте ихтирамга лаек” дип аталган язмада Мәсгут Сәхаб улы Кыямовның рәсеме   астында ялгыш Әсгать Харис улы Ханнанов дип язылган иде. Без шушы хатабыз өчен Мәсгут һәм Әсгать агалардан, бәйрәмне оештыручылардан һәм укучыларыбыздан гафу үтенәбез.

Бүген сезнең игътибарыгызга тәкъдим ителгән өстәге рәсемдә (сулдан уңга) Самара шә­һә­ренең татар мил­ли-мәдәни автоно­миясе рәисе Риф­кать Ху­җин, Әс­гать Хан­нанов, Нур­салих Кәримов, Мәс­гут Ибәтов, Әлфия Вә­лиева, Мәсгут Кыя­мов, Юныс Кә­нә­фиев һәм өлкә авыл хуҗа­лыгы ми­нистры урын­басары Роман Некрасов сүрәтләнгән. Ә астагы рә­семдә Роман Викто­рович Мәсгут Кыямовка Мактау грамота­сы тап­шыр­ганда.

Әминә ШИҺАПОВА.

«Бердәмлек».

 КОНТЕКСТ:

Аларның хезмәте ихтирамга лаек

* * *

При полном аншлаге прошёл осенний праздник «Сэмбелэ» (ФОТОРЕПОРТАЖ)

Просмотров: 1656