1 Май –  илебез байлыгын булдыруда хезмәт иткән бөтен кешеләр бәйрәме. Көн саен үзенең хезмәте белән ватанын һәм гаиләсен чәчәк аттыручы бөтен халык бәйрәме. Аны барлык буыннар да ярата һәм ул дөрестән дә халыкныкы санала. Вакыт аны яңа эчтәлек белән тулыландыра. Өлкән буын өчен 1 Май элеккечә пролетар бердәмлекне гәүдәләндерә, ә яшьләр өчен – табигать һәм кешелек көчен тудырган язгы чәчәк ату чоры.

Әйе, ни генә булмасын, 1 май  чын-чынлап яз килүен белдерә шул. Нәкъ менә бу айда алмагачлар, шомыртлар  ап-ак чәчкәгә күмелә. Бар җиһан гүя әкияти дөньяны хәтерләтә.

Самар  өлкә «Туган тел» татар җәмгыяте, өлкә татар эшкуарларына ярдәм итү ассоциациясе, «Самар татарлары» дип аталган медиа-проектлар һәм шәхсән үз исемемнән барыгызны да яшел чирәмнәре шытып чыккан, каеннары яфрак ярган, умырзаялары чәчкә аткан яз бәйрәме – Беренче май белән котлыйм. Язның сулышы, дәрте, илаһи мәгънәсе күңелегезгә нур өстәсен.

И.Г.Шәкүров, 

өлкә “Туган тел” татар җәмгыяте президенты.

Хөрмәтле Лилия ханым!

Сезне ихлас күңелдән туган көнегез белән тәбриклим! Теләкләргә кигәндә, мин Сезгә исәнлек, иминлек телим.  Гомерегез озын, йөрер юлларыгыз тигез, якыннарыгыз сәламәт булсыннар. Барлык хыялларыгыз, теләкләрегез чынга ашсын, эшләрегез уң, табыннарыгыз мул булсын.

И.Г.Шәкүров, 

өлкә “Туган тел” татар җәмгыяте президенты.

Хөрмәтле Наил хәзрәт!

Сезне ихлас күңелдән туган көнегез белән котлыйм! 

Сез – сабыр холыклы, мәрхәмәтле, ярдәмчел шәхес. Киләчәктә дә шундый киң күңелле, ачык йөзле, олы йөрәкле имам булып калыгыз. 

Галәмнәрне тәрбия кылучы Аллаһы Тәгалә Сезгә корычтай нык исәнлек-саулык, гаилә сәгадәте, озын гомерләр муафык кылсын иде.

И.Г.Шәкүров, 

өлкә “Туган тел” татар җәмгыяте президенты.