Светлана һәм Петр Карасевлар Лесная Поляна нәсел утарына 2011 елда төпләнгән. Билгеле булганча, әлеге “авыл”да эш юк, шуңа күрә, төп шарт – табигать белән гармониядә яшәп, үзе-үзеңне тәэмин итү. Карасевлар шулай итеп, чәй индустриясенә керешкән.
“Күршебез тәкъдиме белән, иван-чәй ясарга керештек”
Гаилә әлеге эшкә очраклы гына кереп китә. Дөресрәге, моңа кадәр алар бу үләнне таный да, үзенчәлекләре турында да белми.
“Чәй ясауда төп шарт — ферментация”
Әмма бу гаиләдә иван-чәйгә мәхәббәт көтмәгәндә уяна.
“Әзер чәйнең бер килосы 2000 сум”
Уйлап баксаң, юл кырыенда, урман аланнарында үсүче гади иван-чәйдән шактый акча эшләп алырга мөмкин икән.
“Иван-чәйне дүрт тапкыр пешереп эчеп була”
- Без ел әйләнәсе иван-чәй эчәбез. Кытай чәеннән аермалы буларак, аны берничә тапкыр пешереп була. 4 тапкырга кадәр менә дигән чәй пешә аннан. Анда токсиннар барлыкка килми. Ә Кытай чәен пешергәч тә 15 минут эчендә эчәргә кирәк, — ди Светлана ханым. – Без бу чәйне эчеп яшәрәбез. Соңгы елларда безгә шулкадәр күп комплиментлар ява. Иван-чәй ияләшү булдырмый. Ул организмны чистарта, эчәкләр, ашказаны өчен файдалы. Иван-чәйдә Менделеев таблицасындагы микроэлементларның яртысыннан күбрәге тупланган. Анда С витамины лимонга караганда 5-6 тапкыр га күбрәк. Әлеге чәй бик туклыклы, аны эчкәч хәтта ашыйсы да килми.
- Иван-чәйнең икенче атамасы — кырлыган. Русча иван-чай, копорский чай, кипрей атамалары бар.
“Чәй ясаганда төн йокылары кача”
Дөрес, биюче бии-бии остара дигәндәй, Карасевлар да эш тәҗрибәсен тора-бара гына җыя.
- Беренче көннән үк барысын да дөрес ясый башладык дип әйтеп булмый, билгеле. Әрәм иткән, килеп чыкмаган вакытлар да шактый булды. Тәҗрибә шулай итеп җыелды. Беләсездер, Марий урманнары чебен-черки, озынборын белән дан тота. Июнь-июль айларында, иван-чәй әзерләгәндәге мәхшәрне күрсәгез сез! Без көннәр буе умартачы киемнәре, битлекләреннән йөрибез. Шушы ике айда безнең көн белән төн алмашына, — ди Светлана ханым.
“Киләчәктә мамыгыннан — мендәр, тамырыннан он ясау хыялыбыз”
Иван-чәй үләнен үзләштерүгә Карасевлар ныклап тотынган. Бөртекле һәм яфраклы чәй ясаудан тыш, аларның киләчәккә планнары да зурдан.
- ялкынсынуга каршы көрәшә һәм бөрештергеч сыйфатка ия;
- авыртуны баса, тән температурасын төшерә;
- нервланганда, стресс кичергәндә тынычландыра;
- азык-төлек, спиртлы эчемлекләр белән агуланганда файдалы, айнытучы үзлеге дә билгеле;
- канны чистарта;
- иммунитетны күтәрә;
- организм хәлсезләнгәндә хәл кертә;
- гипертония, атеросклероз, азканлылыктан файдалы;
- матдәләр һәм тоз алмашын көйли;
- ашказаны-эчәк тракты җәрәхәтләрен төзәтә;
- бавыр, бөердә таш булса, талак авырулары вакытында файдалы;
- авыртулы менструацияләрдән коткара;
- чәч тамырларын ныгыта;
- яман шеш вакытында организмның агулануын киметә;
- мәни бизе аденомасы һәм простатиттан котылырга ярдәм итә.
Просмотров: 948