15 сентябрьдә өйлә намазыннан соң Самарның Зубчаниновка бистәсендә урнашкан «Болгар мирасы» мәчете тантаналы чара оештырып, үзенең 10 еллыгын билгеләп үтәчәк.
Мәчетнең адресы: Самар шәһәре, Зубчаниновка бистәсе, Чекистлар ур./ Софья Перовская ур., 49/15. Оештыручылар теләгән һәркемне чарада көтеп кала.
Дини комплекс 2008 елда төзелә башлаган. Гыйбадәтханә төзелешенә барлыгы 40 млн.сумга якын акча киткән. Шуның 11 млн. сумын өлкә бюджетыннан бүлеп биргәннәр. Калган акчалар — «Болгар мирасы» фонды, иганәчеләр һәм мәхәллә кешеләренең ярдәме.
Просмотров: 1402