21 февральдә өлкә Халыклар дуслыгы йортында, гадәттәгечә, Халыкара туган тел көнен билгеләп үттеләр. Бөек Җиңүнең 75 еллыгына багышланган чарада Самарның милли якшәмбе мәктәпләре укучылары, милли оешмалар яшьләре катнашты.
Иң элек алып баручылар балаларны кызыклы һәм мавыктыргыч сәяхәткә чакырдылар. Кызлар-малайлар “Морзе азбукасы”, “Бөек Җиңү”, “Кичү”, “Тәрҗемәче” кебек “станция”ләрдә туктап, төрле биремнәр үтәделәр.
Чарада өлкә “Туган тел” татар җәмгыятенең яшь буын вәкилләре Самат Мәхмүтов, Кәрим Ибәтов, Әмир һәм Ильяс Абзалимовлар (җитәкчеләре — оешма совет әгъзасы Альбина Мәхмүтова), Самарның “Яктылык” татар мәктәбе укучысы Азалия Низамова да катнашты.
Халыкара туган тел көненә карата узган чара турында тәфсилле мәкалә “Бердәмлек” газетасының киләсе санында бастырылачак.
Әминә ШИҺАПОВА.
Самар шәһәре.
Просмотров: 1297