Алыштыргысыз кешеләр бар әле…

БезымянныйБер ел элек Самара өлкәсенең татар яшьләре лидеры Фәрхәд Мәхмүтов вафат булды

1989 ел­ның 9 сентябрен­дә төшерел­гән фотосурәткә игътибар ите­гез әле. Әнә, сафның иң ерак утыргычында  тыйнак кына бер яшүсмер утырып тора. Ул олы апала­ры һәм абыйлары белән Ка­зан га­лиме Фаяз Хуҗинның Идел Болгарстаны археология­се буенча лекциясен тыңлый. Егетнең зур кызыксынуы йөзенә үк чыккан…

Бу вакыйгадан соң Идел­дә күп сулар акты. Вакыт үтүгә карамастан, фотога төшүчеләр арасыннан Фәр­хәдне күпләр танып алыр, чөнки Самара өлкәсенең татар мохитына аз гына булса да катнашы булган кеше Фәрхәд Мәхмүтовны бик яхшы белә иде. Ул әле малай чагыннан диярлек, 17 яшеннән, баскан юлыннан тайпылмыйча, бер­туктаусыз армый-талмый хал­кына, милләтенә, диненә хез­мәт итте. Милләтпәрвәр алын­ган эшенә шулкадәр туг­ры­лыклы иде, хәтта 1991 елның июнендә армиядән ун көнлек ялга кайткач та, «Туган тел» җәмгыятенә килеп, Сабан туен оештырырга ярдәм иткән иде. Аннан әле бер истәлекле фото да калды.

Хәрби хезмәтен тәмам­лагач, Фәрхәд Казан дәүләт уни­верситетының татар фило­логиясе һәм тарихы фа­культетына укырга китсә дә, Самара татар тормышыннан аерылмыйча яшәде.

Диплом алып кайткан та­рихчы үзен татар милли ча­раларын оештыру эшендә тапты, вакыты, көче белән са­нашмады, уфтанмады, ты­рышып эшләде һәм аның ты­рышлыгын халык та күрде.

Шушы өч дистә еллар эчендә Сабантуй, Нәүрүз, Сөм­белә бәйрәмнәре, балалар фес­тивальләре оештыру да Фәрхәд Мәхмүтовтан башка үтмәде. «Азат­лык» татар яшьләре берлеген оештыруда катнашты, үз­легеннән Зыялылар клубы, татар дискотекалары, Чыршы бәйрәмнәре, караоке кичәләре, шигърият конкурслары бул­дырды. Татарстанның «Идел», «Сәләт» лагерьлары белән хезмәттәшлек итеп, күп татар балаларына шул ла­­герьлар­га юлламалар алыр­га булы­шып, милли үзаң тәрбияләүгә үз өлешен кертте.

Былтыргы майда без мәш килеп иң күләмле һәм җа­ваплы чарабызга – Ка­мыш­лыда уза­чак Бөтен­россия авыл Сабан туе­на һәм өлкә Сабан туена әзер­ләнеп йөри идек. Фәрхәд, гадәттә­гечә, оештыру үзәгендә кай­нады. Нурлаттан «шеф»лары­быз килеп китте, берничә тап­кыр оештыру комитеты Гагарин паркында күчмә утырыш­лар уздырды. Дүшәмбе көнне, 27 майда, кичен Халыклар дуслыгы йор­тын­да тагын җыелырга тиеш идек… Ләкин җыелырга көч таба алмадык — шул көнне ир­тән Фәрхәд вафат булды һәм, ике атна үткәч, Сабантуйны төп оештыручысыннан башка уздырырга туры килде.

Урының оҗмахта булсын, фикердәшебез, милли җан­лы Фәрхәд дустыбыз! Алыш­тыргысыз кешеләр юк, диләр. Белмим шул. Самара өлкәсе татарлары арасында синдәй актив, ихлас күңелдән йөрүче кешеләр тагын булырмы икән?!

Безымянный

Шамил ГАЛИМОВ.

«Бердәмлек»

 

Просмотров: 549

Один комментарий

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>