Күрмәүче Ринат Алиев Брайль шрифтында язылган Коръәнне укып күрсәтте

фотоооооо«Ярдәм» фонды күрмәүчеләр өчен Луи Брайль шрифтында Коръән бастыру акциясен башлады. 

«Ярдәм» хәйрия фонды реабилитанты, күрмәүче Ринат Алиев «Татар-информ»дагы матбугат конференциясендә Брайль шрифтындагы Коръәнне укып күрсәтте.

«Мин „Ярдәм“ фонды турында 2011 елда танышлар аша белдем. Монда булуыма бик шатмын. Луи Брайль шрифтындагы Коръән булдыру — күрмәүчеләр өчен бик кирәкле, яхшы эш. Коръән укыгач, күңелдә җиңел булып китә. Ул яшәргә этәргеч бирә. Коръәнне белсәң, бу белемне башкаларга да тапшыра, укыта аласың», — диде Тольятти шәһәреннән килгән Ринат Алиев.

«Ярдәм» милли ислам хәйрия фонды «Күңел күзе белән укыйм Коръән» дигән акция башлады. Акция Луи Брайль шрифтында язылган Коръәнне бастыруны һәм аны күрмәүчеләргә тапшыруны күздә тота.

«Изге Китабыбыз Коръәнне мөселманнар яратып укый, хәтта күрмәүчеләр арасында да аңа кызыксыну бик зур. Сәламәт кешеләр тарафыннан аларга Коръәнне укырга өйрәнүдә булышлык күрсәтү — Аллаһы Тәгалә алдында, һичшиксез, изге эш», — диде «Ярдәм» мәчете имамы Рәмис хәзрәт Сәйфуллин «Татар-информ»да узган матбугат очрашуында.

Луи Брайль шрифтында язылган Коръән басмасы 6 томнан тора. 

tatar-inform.tatar

Просмотров: 395

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>