Лера Мөхәммәтҗанова (уртада) дус кызлары белән.
Көзге озын кичләрнең берсендә гаилә фотоальбомымны ачып, яшьлек елларымны искә алып утырганда студент чорында төшкән берничә рәсем күзгә чалынды. Берсенең артына: “Женяга — Лерадан. Яшьлек елларыбызның иң шаян, күңелле вакытларын онытма”, дип язылган.
… Хатирәләр мине 1960 елның салкын март аена алып киттеләр. Безне — Сызран медицина училищесының 6 студентын, Камышлы районы хастаханәсенә практикага җибәрделәр. Арабызда якын дустым, шушы авылда туып-үскән Лера (бәлки аның исеме башкача булып, русча үзен Лера дип йөрткәндер, белмим) Мөхәммәтҗанова да бар иде.
Безне бик яхшы каршы алып, фатирга хастаханә каршындагы йортка урнаштырдылар. Өч ай вакытыбыз сизелми дә үтеп китте: көндезләрен эшкә йөрсәк, кичләрен биредә тапкан яңа дусларыбыз белән авыл Мәдәният йортына ашыга идек.
Майда практикабыз тәмамланды. Хастаханә җитәкчелеге (ул вакытта баш табиб булып Владимир Подтяжкин эшли иде) безгә яхшы тамгалар куеп, менә дигән характеристика язды. Әмма беребезнең дә күңелендә шатлык хисләре юк иде. Кунакчыл Камышлыдан бер дә китәсе килмәде. Ә берәр айдан курсташларыбыз белән дә аерылышырга туры килде. Кулларыбызга диплом алуга төрлебез төрле якка таралдык. Кызганыч, Лера белән дә аралар өзелде.
Лера Мөхәммәтҗанова (уртада) дус кызлары белән.
Иптәш кызымның фотосурәтен кулыма алгач, аны кабат күрәсем, очрашып сөйләшәсем килде. Хөрмәтле камышлылылар! Яшьлек дустымны эзләп табарга ярдәм итсәгез, мин бик рәхмәтле булыр идем!
Белешмә өчен телефоным: 8-927-715-76-93.
Евгения ПЧЕЛИНА.
Самара шәһәре.
Просмотров: 1472