Бөтендөнья татар конгрессы Башкарма комитеты, “Ак калфак” татар хатын-кызлар иҗтимагый оешмасы, Самар өлкәсе иҗтимагый оешмалары белән берлектә кичә-бүген, 12-13 ноябрь көннәрендә, “Шәҗәрәдә бабаларымның тарихи хәтере” исеме астында күчмә утырыш уздыралар. Әлеге чарада Татарстаннан һәм Россия регионнарыннан вәкилләр катнашалар.
Кичә хатын-кызлар Похвистнево районының Гали авылында балалар бакчасы, авыл музее, Гали мәдрәсәсе, 3нче һәм 4нче мәхәллә мәчете, “Хәләл” цехы, “Исхаков” крестьян-фермер хужалыгы белән таныштылар.
Бүген, 13 ноябрьдә, Самар шәһәренең «Яктылык» мәктәбендә утырышның секцияләре һәм «Заря» мәдәният йортында пленар утырышы узачак. Шулай ук бүген хатын-кызлар “Мәүлед Ән-Нәби” бәйрәмендә дә катнашачаклар.
Шулай ук «ак калфаклы»лар өчен өйрәтү дәресләре (калфак тегү һәм чигү, сӛлге чигү, Шамаил чигү, йоннан панно эшләү, бавырсак һәм кош теле пешерү) үткәреләчәк. Алар Татар гаиләләрендә кунак итү гореф-гадәтен дә күрә алачак.
Просмотров: 1247