«Соңгы миля»да тантана

Минәхмәт һәм Рамил Хәлиулловлар Дмитрий Азаровка торак комплексларын презентациялиләр

9 августта Самара Арена стадионы янындагы «Соңгы миля» дип аталган аллеяда өлкә Төзелеш министрлыгы тарафыннан һөнәри бәйрәмгә багышланган тантаналы чара оештырылган иде. Әлбәттә, бәйрәмдә губернатор Дмитрий Азаров та катнашты.

Аллеяда Самара өлкәсенең сигез әйдәп баручы төзелеш оешмасы үзләренең күргәзмә экспозицияләрен тәкъдим ит­теләр. Алар арасында «Вира» компанияләр төркеме дә бар иде. Оешма хәзерге вакытта төзелеп килүче Октябрь районындагы Сигезенче радиаль, Тихвинский, Гастелло урамнары чикләрендә урнашкан «Атмосфера», шулай ук Октябрь районында Санфирова, Карл-Маркс урамнары киселешендәге «Капитал Парк» һәм Куйбышев районында Самарка һәм Татьянка елгалары тоташкан гаҗәеп матур урындагы «Ике елга» торак комплексларын тәкъдим итте.

«Вира» төркеме презента­циясен губернаторга Минәхмәт Мидхәт улы һәм Рамил Минәх­мәт улы Хәлиулловлар күрсәттеләр. Компания заман­ча төзелеш трендларына туры килергә тырыша. Яңа йортларда коляска белән керү өчен якты коридорлар, кышкы уен бүлмәләре, йорт хайваннарын урамда йөртү өчен аджилити зоналары (махсус җиһазландырылган), хәтта өйгә керер алдыннан аларны коендыру өчен «щенячий душ» кебек җайланмалар да бар.

Дмитрий Азаров торак комплексларны зур кызыксыну белән карап чыкты һәм төзү компа­нияләренә үсеш теләде. Оеш­ма җитәкчеләре губернаторны 50 еллык юбилее белән котлап, сәламәтлек һәм уңыш­лар теләделәр.

Тантана ахырында өлкә башлыгы булачак ябык футбол манежы урынына капсула салып калдырды.

«Бердәмлек»

Просмотров: 1015