К.Тинчурин театрының уңышлы эшләп килүче сәламәтлеге чикләнгән балаларның “Могҗиза” театр студиясе “Поколение NEXT” бәйгесендә Г.Камал һәм К.Тинчурин әсәрләре буенча куелган “Серле тартма” могҗизалы тамашасын тәкъдим итте. Алар анда уңышлы чыгыш ясап, лауреат исемен алды.
Инсценировка авторы һәм режиссеры – Россиянең атказанган, Татарстанның халык артисты Зөфәр Харисов, сәхнә теле укытучысы – Татарстанның атказанган артисткасы Гөлназ Нәүмәтова, пластика һәм бию укытучысы – Салават Хәбибуллин, сәхнә бизәлеше – Әлфия Вәлиева, Фәнис Шәмсетдинов, музыкаль бизәлеш – Алмаз Ахунов, студиянең кураторы – Зөлфия Бәшәрова.
Талантлы егетләребез һәм кызларыбызны котлыйбыз, киләчәктә дә зур уңышлар телибез.
Просмотров: 922