Кичә “Яктылык” мәктәбендә хәйрия ярминкәсе узды. Бу күркәм чара ятим балаларга ярдәм итү максатыннан үткәрелде.
Өстәлләрнең муллыгына исең китәрлек! Ниләр генә юк иде: татар милли ризыклары, балаларның кул эшләнмәләре, бизәнү әсбаплары, сувенирлар.
Укучылар да сатуда катнашып үзләренең өлешен керттеләр. Сыйныфлар бик җитди әзерләнгәннәр.
Ата-аналарга, балаларга һәм барлык ярдәм итүчеләргә зур рәхмәтебезне белдерәбез!
Изгелек җирдә ятмас!
«Яктылык» мәктәбенең туган тел һәм әдәбият укытучысы Рәхимә ХӘЙРОВА.
Просмотров: 583