Сызран шәһәре ел саен әлеге акциягә зур активлык белән кушыла. Быел да шәһәребезнең «Ак калфак» оешмасы, «Чишмә» ансамбле кызлары «Татарча диктант» язып, үзләренең грамоталылыгын тикшерделәр.
Шәһәребездә диктантны язу өчен летчик-космонавт М.Б.Корниенко исемендәге 18-нче филиал китапханәсе белән берлектә мәйданчык әзерләнде.
Диктант язар алдыннан катнашучыларга көч-куәт биреп, баянда Рөстәм Туктаров уйнап, Глеб Потапов «Туган тел» жырын башкарды.
Текстны татар теле укытучысы Дәуләтшина Гөлнара укыды.
Диктантны язганнан соң, барлык катнашучылар белән тугәрәк өстәл тирәли үзләре пешереп килгән сый-хөрмәтләр белән тәмле итеп чәйләр эчтек.
Аннан инде барыбыз да бергә рәхәтләнеп татар халык җырларын җырлап, биеп, күңел ачтык.
Аерым рәхмәт әйтәсе килә китапханәче Салихова Гөлсемгә.
Бу чара Сызран шәһәре татарларын берләштереп, яшәргә дәрт өстәде. Киләчәктә дә бергә очрашып, бергә булып, бердәм булып, тыныч җир йөзендә яшәргә язсын, дигән теләктә таралыштык.
Гөлнара ДӘҮЛӘТШИНА.
Сызран шәһәре.
Просмотров: 531