Искәртү, 2024 елның 30 ноябрендә Самар шәһәренең Җәмигъ мәчете ачылуга 25 ел тулуга багышланган тантаналы чара узды. Бу мөһим очрашуда өлкәбезнең төрле почмакларыннан килгән кунаклар, мәчеткә йөрүчеләр, җәмәгать эшлеклеләре, төзүчеләр, ул еллардагы активистлар, хөрмәтле аксакаллар катнашты. Мөхтәрәм кунаклар арасында күрше өлкәләрдән дин әһелләре бар иде: Ульяновск өлкәсе мөфтие Илдар хәзрәт Сафиуллин, Пенза өлкәсе мөселманнары Диния нәзарәте рәисе, имам-ахунд Ислам хәзрәт Давыдов. Казахстан Республикасы Баш мөфтие Наурызбай кажы Таганулы исеменнән котлау сүзләре белән Казахстан мөселманнары Диния нәзарәтенең Көнбатыш Казахстан өлкәсе буенча баш имамы Самат хәзрәт Алибаев килде.
Сезнең игътибарга Әнәс Мингалиевның фотосурәтләрен тәкъдим итәбез:
Просмотров: 614