Үткән атнада региональ Диния нәзарәте рәисе, мөфти Талип хәзрәт Яруллин өлкә татар “Бердәмлек” газетасына ярдәм сорап өлкә татарларына мөрәҗәгать белән чыккан иде.
- Хөрмәтле дуслар! Гомер-гомергә татарлар зур һәм мөһим эшләрне күмәкләшеп эшләгәннәр — мәчетләр һәм мәдрәсәләр, ятимнәр йортлары, янгында зыян күргән кешеләргә акча җыеп бирү яисә өмә белән бура бурап кую кебек эшләрдән беркайчан да читләшмәгәннәр. Бу гореф-гадәтебез киләчәктә дә дәвамлы булыр, дип ышанам.
1990 елдан бирле өлкәбездә “Бердәмлек” өлкә газетасы чыгып килә. 32 еллык тарихы булган газетага беркайчан да җиңел булмады, чөнки тиражы зур түгел, 2000 данә генә. Язылучылар саны икеләтә арткан очракта гына ул үз-үзен тәэмин алырлык дәрәҗәгә күтәреләчәк. Ә әлегә ”Бердәмлек” газетасына ярдәм кирәк, — дип мөрәҗәгать иткән иде.
Күп тә үтмәде, Новокуйбышевск шәһәрендә яшәүче Эльмира Турапинадан “Бердәмлек” фондына 10 мең сум акча килеп төште. Аллаһының рәхмәтләре яусын, Эльмира ханым! “Тамчы тама-тама күл җыела”, диләр бит, кулыгыз җиңел булсын. Үткән ел ахырында да шулай акча җыеп, газетаны саклап калган идек бит. Быелгы хисап елын да бурычларсыз тәмамларга насыйп булсын иде.
Безнең реквизитлар:
Автономная некоммерческая организация Редакция Самарской областной татарской газеты «Бердэмлек» («Единство») (сокращенное название А.Н.О. Редакция газеты «Бердэмлек» («Единство»)
Адрес: 44З009, г. Самара,
ул. Воронежская, д. 9
ИНН 6317008137
КПП 631901001
ОКПО 11034373
ОГРН 1026301420298
ОКВЭД 58.13
Р/сч. : 40703810054400012004
Поволжский банк СБ РФ
К/сч.: З0101810200000000607
БИК 043601607
Благотворительная помощь
«Бердәмлек».
Просмотров: 744