Тольятти шәһәренең татар милли-мәдәни автономиясе рәисе Рәүф Кирасиров (уртада) Татарстанның Чистай районы җитәк­чесе Дмитрий Иванов һәм өлкә губернаторы администрациясенең милли эшләр буенча идарә җитәкчесе Надежда Осипова белән.

Тольяттида 28нче мәртәбә Сабан туе булып узды. Шул бәйрәмнән соң туган кайбер уйлар һәм фикерләр

Сабан туе биредә бик матур урында Идел буендагы парк­та уздырыла. Бу чын табигать почмагын әлегә парк дип атавы да кыен. Аны шәһәр хакимияте инде күптән җиһазландырырга вәгъдә итсә дә, ул әле һаман элеккеге халәтендә, гади бер киң һәм зур яшел аланлык булып кала бирә. Бирегә  килеп җитүгә борынга төрле үләннәр, эчкелтем әрем исе килеп бәрелә. Нәкъ җырда җыр­ланганча, чыксам әгәр болыннарга, әрем исе, әрем тәме… Читать полностью →

“Яктылык” татар мәктәбенең сигезенче сыйныф укучылары Казаннан милләте рус булмаган балалар өчен рус теленнән оештырылган Халыкара олимпиададан җиңү яулап кайттылар.

Җәйге каникуллар җитү белән балаларның кайберләре, дәреслекләрне һәм китапларны ераккарак куеп, дуслары белән футбол уйнарга һәм су керергә торып чаба. Ә икенчеләре уку белән җәйге каникулларда да аерылмыйлар. Казанда уздырылган олимпиададан кайткан “Яктылык” татар мәктәбе укучылары белән оештырылган пресс-конфе­ренциядә без моңа тагын бер тапкыр инандык. Читать полностью →

Сабан туе батыры Радик Гафуров.

«Сабан туебыз мөбарәк булсын, кадерле дуслар, авылдашлар, ерак араны якын итеп ерак җирләрдән кайткан туганнар!» — дигән сүзләр белән Денис авылы җирлеге башлыгы Әлфәт Һади улы Җалаков бәйрәмне башлап җибәрде. Җитәкчеләр, килгән кунаклар үзләренең тәбрикләүләрен әйттеләр, дин әһелләре Коръән аятьләре укыдылар.

Сабан туен тантаналы төстә ачканнан соң, мәйданда спорт ярышлары, төрле милли уеннар башланып китте. Читать полностью →

Сабантуй батыры Радик Сәлахов (уртада) Рәзиф Кәримов (сулда) һәм Әнвәр Горланов белән.

Самараның Юрий Гагарин исемендәге ял паркында XXVII Сабан туе гөрләп узды

Гагарин паркының Сабан туе сукмагына баскан кеше быелгы бәйрәмнең милли төсмерләргә тагын да баерак, тагын да күркәмрәк икәнлеген тоемлагандыр. Шашлык, пылау, бәлеш, камыр ашлары сатучы хатын-кызларның чын татарча итеп бәйләгән яулыкларын, чигүле алъяпкычларын, тукыган һәм чиккән ашъяулык һәм сөлгеләрен, кайнап утырган самавырларын күргән бер генә кеше дә сату рәтләрендә тукталмыйча үтә алмый, бераз сокланып карап торгач, ирексездән акча букчасын тартып чыгара, урама яисә өчпочмаклар һәм чәй алып, эчкәрәк, агачлар арасына кереп утыра да чәй эчкән арада бу матурлыкны тагын бераз күзәтеп тора. Читать полностью →

Сәгыйть Садриев укучылары белән.

Бу канкойгыч сугыш со­вет халкының киләчәккә бул­ган якты хыялларын чел­пәрәмә китерде. Безнең Гали авы­лыннан да фронт­ка киткән 500дән ар­тык ке­шенең күбесе яу кырын­да ятып калды, туган туф­рагына кайту, әти-әнисе, ту­ганнары, балалары белән кавышу бик азына насыйп булды. Бүгенге язмам шу­ларның берсе — Сәгыйть абый турында. Читать полностью →

Тәбрис һәм  Фәния ВӘЛИӘХМӘТОВЛАР.

Иске Ярмәк авылының данлыклы  “Ак каен” татар фольклор ансамбленең чишмә башы биредә яшәүче Тәбрис Әхәт улы Вәлиәхмәтовка барып тоташа икән бит, ләбаса. Мин бу турыда аның белән очрашып, сөйләшеп утырганда ишеттем. Ә бу кешенең язмышы күп кешеләргә гыйбрәт булырлык.

- Мин Иске Ярмәк авылында туып, аның тәмле чишмә суларын эчеп, болынында яланаяк йөгереп, яшел чирәмендә уйнап үскән бер малай, — дип сүзен башлады Тәбрис ага. — Армиядә хезмәт итеп кайтканнан  соң  берничә ел авылда механизатор булып эшләдем. Аннан уналты яшеннән терлекчелек фермасында сыер савучы булып хезмәт иткән хәләл җефетем — Фәниям белән Бөгелмә шәһәренә күчеп киттек. Читать полностью →

Яраткан “Бердәмлек” газетабыз битләрендә өлкәбезнең татар авыллары тормышы, алардагы проблемалар, яңалыклар белән даими танышып торабыз.

Мин дә үзебезнең Похвистнево районы Мәчәләй авылы тормышы турында әйтеп китәсем килә. Бездә яхшы якка үзгәрешләр дә байтак, кимчелекләр дә бар. Читать полностью →

Авыл җирлеге башлыгы Минәхәт Сәетгали улы Зәйдуллин.

Үзенең язгы матурлыгы белән каршы алды мине Тупли авылы. Тирә-юньдә алмагачлар, чияләр ап-ак чәчәкләргә күмелеп утыра, сиреньнәрдән хуш исләр тарала.  Күктәге кояш та авылның чисталыгына, матурлыгына кинәнгәндәй елмаеп карый сыман.

Бу матур авылдагы тормыш-яшәеш турында авыл җирлеге җитәкчесе Минәхәт Зәйдуллин  менә нәрсәләр сөйләде. Читать полностью →