Табигатьтә яз хөкем сөрә. Шуңа да хәзер халык күп вакытын йортта, кырда, бакчада үткәрә. Шулай да, яраткан җырчыбыз Салават Фәт­хетдиновның концерт белән Похвистневога килүе билгеле булгач, бөтенесе парникларын, бакчаларын ташлап, район Мәдәният сараена агылды. Читать полностью →

“Тиенкәй” төркеме тәрбиячесе Марина Плужнова Татарстан Республикасы турында сөйли.

Апрель урталарында Са­мараның 394 санлы балалар бакчасында гадәти булмаган бәйрәм — милләтләр фестивале узды.

- Бүген илебездә милләтара низаглар мәсьәләсе аеруча кис­кен тора. Балалар — безнең киләчәгебез, шуңа да аларны толерантлык рухында тәрбияләргә кирәк, дип уйлыйбыз. Бакчабызда ярты елга якын эшләп килгән һәм күп мәдәниятләрне үз эченә алган мәгариф проекты кысаларында бакчаның һәр төркеме аерым бер халыкның көнкүрешен, мәдәниятен өйрәнде. Аны матур фестиваль белән тө­гәлләргә булдык. Бүген безнең бакча балалары Татарстан Республикасы, Һиндстан һәм Кытай илләре белән таныштырачак, — дип сөйләде чараны ачканда методист Екатерина Кожайкина. Читать полностью →

“Ротари-Самара” эшлекле клубы” Самарада һәм өлкә­бездә төрле хәйрия акцияләре һәм чаралар үткәрә һәм алар­ның иганәчесе дә булып тора.

Бүген “Ротари-Самара” эш­­лекле клубы “Самара өлкә­сенең традицион кухнясын барлау” проектын тәкъдим итә. Аның максаты — күпмилләтле регионыбызда яшәүче халык­ларның милли ашлары һәм ризыклары рецептлары язылган китап нәшер итү. Анда гаиләләрдә сакланып килгән борынгы рецептлар да, вакыт агышында барлыкка килеп, традицион ашамлыкларны әзерләүгә зур йогынты ясаганнары да керәчәк. Өлкәбездә яшәүче халыкларга гына хас булган ризыкларны, башка бер җирдә дә пешерелмәгән ашларны яңадан кайтарасы, саклап каласы иде. Эшче группа оригиналь рецептларны табарга һәм бергә туплап, 2016 елның ахырына кадәр китап итеп бастырып чыгарырга дигән ныклы карарга килде. Читать полностью →

Быел без, “Яктылык” мәк­тәбенең 4 — 11 сыйныф укучылары, Красный Яр районында урнашкан “Космос-2” лагеренда ял иттек. Ял дип әйтүе дә дөрес түгелдер. Без анда укыдык та, дәваландык та, төрле спорт һәм мәдәни чараларда да катнаштык. Кыскасы, күп вакытыбызны ата-аналар, әби-бабайлар белән түгел, дуслар, сыйныфташлар белән уздыру мөмкинлеге иде бу. Читать полностью →

Рәфгать Әһлиуллин Фәннур Гайсаровны тәбрикли.

Оренбург өлкәсе татар­ларының “Яңа вакыт” газе­тасының 25 яшьлек юбилей кичәсенә чакыру алгач, моны бик теләп кабул иттек. Оренбурглылар самаралылар һәм ульянлылар үткәргән һәр юби­лейларыбызда катнашып киләләр бит. Ә менә безгә Оренбург күршеләребезгә кунакка бер дә барырга туры килгәне юк иде әле. Читать полностью →

Мәрьям Канюкаева (су­гыш ел­ларында төшкән рәсем).

…Нинди кеше булып сакланырбыз

Исәннәрнең тирән хәтерендә?…

Гакыйль Сәгыйров.

Аның яшелле-каралы чуар яулыгы астыннан көмештәй чал чәч бертекләре күренеп тора. Йөзендә — буразналар. Картлыкныкы гына түгел, ә авыр тормыш, сагыш, кайгы-хәсрәтләр сызган буразналардыр. Ул күз­ләрен өй тәрәзәсеннән ерак офыкка текәп, бәлки, уй-хыял­лары белән яшьлегенә кайтадыр, Ленинград фронтын­дагы ачы җилләрне исенә төше­рәдер. Читать полностью →

Галләм Морзаханов

Күптән түгел миңа Татарстан башкаласы Казанда булырга туры килде. Меңъеллык тарихы булган шәһәр, чыннан да мәһабәт һәм үзенчәлекле. Бөтен җирдән татар бизәге, татар сөйләме, татар рухы бөркеп тора. Казан Кремле, Кабан күле, Сөембикә манарасы… Атамалары гына да нинди матур, чын безнеңчә бит.

Экскурсия планына Җиңү паркы да кертелгән иде. Анда барып кергәч үк уйларың Бөек Ватан сугышы чорына, ата-бабаларыбызның тиңдәшсез батырлыгына әйләнеп кайта. Андагы Геройлар аллеясе мине тетрәндерде. Солдатлар кебек рәткә баскан барельефларның һәрберсе астында язылган “Герой…”, “Герой…”, “Герой…”, сүзләрен укып, һәрберсенең йөзенә текәлеп карыйсың. Нәрсә ул кешене утка ташлаган, нинди көч үз-үзен җиңәргә мәҗбүр иткән, ник ул үзен, гаиләсен, газиз әнкәсен, атасыз калачак балаларын жәлләмичә утка кергән, Ватаныбыз өчен тормышын биргән?… Бихисап батырлар арасыннан никтер минем күңелемдә Галләм Морзахановның йөзе, исеме уелып калган иде. Читать полностью →

Ачы сугыш, бу дәһшәтле

                                       сугыш,

Килеп минем туган илемә,

Күпме хәсрәт, күз яшьләре

Китерде ул газиз җиремә. Читать полностью →

Гайфулла Шә­рифуллин.

Бөек Ватан сугышы елларында Советлар илендә яшәүче әби-бабаларыбызга чыдамлык һәм батырлык үрнәкләре күр­сәтергә туры килгән. Минем ба­бамның бабасы — Гайфулла Шә­рифуллин да шулар санында.

Ул 1909 елда Чкалов (хә­зерге Оренбург) өлкәсе, Иске Шалты авылында туа. Сугышка кадәр ул тимерче булып эшләгән. Ә 1941 елның авгус­тында Абдуллино районы комиссариаты чакыруы буенча хәрби хезмәткә алына һәм сугышның беренче көннәреннән ут эченә барып керә. 1943 елда бабама сержант исеме бирелә, шул ук вакытта аны партия сафына да кабул итәләр. Читать полностью →

Быел Самарада 1 Май — Яз һәм Хезмәт бәйрәме бик үзенчәлекле булыр дип көтелә. Өлкә профсоюзлар Федерациясе аны “Һөнәрле Самара” исеме астында үткәрергә тәкъдим итте.

Бәйрәм чаралары Идел буе­ның икенче чиратында 11 сәгатьтә башлана. Анда төрле буын Самара халкы өчен тематик һәм күңел ачу мәйдан­чыклары оештырылачак. Читать полностью →

Тормыш­тан алынган яхшы таныш­ларымның берсеннән ишеткән гыйбрәтле хәл турында “Бер­дәмлек” газетасы укучыла­рына җит­керәсем килгән иде. Язмамда геройларымның исем­нәре генә үзгәртеп бирелә. Бәлки, бу язма әле тормыш юлларын яңа гына башлап җибәрүче яшь­ләребезгә дө­реслекне табарга ярдәм итәр. Уйланырлык нәрсәләр, һичшиксез, бар биредә.

“Мәхәббәтсез һәркем бә­хетсез”, — диләр халыкта. Лә­кин бу хис кемгәдер галәм киңлегенә кадәр очып менәр­лек канатлар бүләк итсә, икенчеләрне, киресенчә, күктән җиргә ташлый. Мин дә җаным-тәнем белән сөйгән кызым Сылукайны бер көндә югалтырмын дип уема да китермәгән идем. Читать полностью →

Самарның Киров Мәдәният Сараенда 20 нче тапкыр өлкә Балалар фестивале гөрләп узды. Быел ул губернабызның 165 еллыгына, бөек шагыйрьләребез — Муса Җәлил тууның 110, Габдулла Тукай тууының 130 еллыгына багышланды.

Бәйрәмне шәһәребезнең татар милли-мәдәни мөхтәрияте оештырды. Аңа Самар өлкәсе хөкүмәте, өлкә татар мөхтәрияте, эшкуарлар – Тәлгат Хуҗин, Илйас Шәкүров, Фәхретдин Канюкаев, Илдар Галиев, Мәүлет Низамов булыштылар. Читать полностью →