“Алтын көз” күргәзмәсе

Тәрбия буенча мәктәп директоры урынбасары Асия Сәйфетдинова.

Бүген кешелек алдында экология проблемасы аеруча үткен тора. Киләчәк буыннар язмышын фән-техника каза­нышлары түгел, ә җир-сулар­ның экологик торышы хәл итәчәк, диләр. Шуңа да ба­лалар моны белеп үсәргә, тирә-як мохитны сакларга өй­рәнергә тиеш. Самараның “Яктылык” татар мәктәбендә бу юнәлештә зур эш алып барыла.

- Кечкенәдән Җир йөзенең гүзәллеген күреп, сокланып үскән кеше табигатькә зыян китермәс. Без дә укучыларда тереклек дөньясына карата җаваплылык хисләре тәрбияләрә тырышабыз. Мәсәлән, мәктәпнең беренче катында укучылар белән кышкы бакча ясадык. Анда абага, яран, традесканция кебек күптөрле бүлмә гөлләре үсә.

Балалар көн дә гөлләрнең ничек үсеп, чәчәк атуын күзәтә, төпләрен йомшарта, су сибә, тузанын сөртә. Аларның төренә карап тәрбияләү ысуллары да төрле икәнен үзләштерәләр, — дип сөйли тәрбия буенча мәктәп директоры урынбасары Асия Сәйфетдинова.

Тәрбия буенча мәктәп директоры урынбасары Асия Сәйфетдинова.

Тәрбия буенча мәктәп директоры урынбасары Асия Сәйфетдинова.

1

“Алтын көз” күргәзмәсе.

Ел саен үткәрелә торган “Алтын көз” күргәзмәсе дә шул нисбәттән эшләнә. Менә быел да балалар төрле табигый мате­риаллар кулланып матур-матур композицияләр, паннолар ясап китергәннәр. Бу экспонат­лар­га карап балаларның фан­тазиясенә исең китә! Кабаклардан ясалган вазалар, сә­гатьләр, чыбык-чабыктан “тө­зелгән” авыл йортлары, сирт­мәле коелар дисеңме! Көзге яфраклар, чик­ләвекләр, кипкән чәчәк­ләрдән ясалган “Көзге мозаика” паннолары да күз явын алырлык.

- Мондый күргәзмәләрдә катнашкан балаларның дизайнер сәләте дә ачыла. Агач ботакларыннан ясалган шәмдәлләр, алтын төскә буялган камыр агачы (боярышник) җимешләреннән һәм кипкән яфраклардан ясалган композицияләр, чыршы күркәләреннән ясалган кер­пеләр, пингвиннар, ябалак һәм аю баласы… Зоопарк диярсең!

Әлбәттә, бу матурлыкны балалар үзләре генә ясамаган, аларга әти-әниләре дә ярдәм иткән, — дип сөйли 6 “А” сыйныфы җитәкчесе, инглиз теле укытучысы Зилә Шәрәфетдинова. - Бу бала белән ата-ананы, ата-ана белән укытучыны якынайта. Бергәләшеп эшләгәндә генә укуда һәм тәрбия бирүдә уңай нәтиҗәләргә ирешергә мөмкин.

Әминә ШИҺАПОВА.

«Бердәмлек».

 

Просмотров: 1056

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>